Кьасумбега вичин кlвале хайи югъ къейдзавай шад мярекатдик Къенберни ква. Телевизордин пультни гъиле кьуна, Кьасумбеган кlеви дуст столдин вини кьиле ацукьнава. Амайбурувай ада гаф таганмаз са артух рахазни жезвач.
Телевизордай са ни ятlа устадвилелди гитарадай хъсан макьам язавай. Вири мугьманриз Кьасумбег са тупlал гитарачи тирди чизвай.
- Кьасумбег дуст, и гитара язавай кицlин хва кицl вун тиртlа, хъсан тирни? – манадиз фикир тагана Къенбера гайи суалди виридак хъвер кутуна.
2014-й.