ЗАРАФАТНАН ГЬЮЖАТАР
–Йип, туканчи фуж ву? – кІури гьерхру сари тмунурихьан.
–Алвер апІру кас, – чан къайдайиан ададахъди жаваб тувру тмунури.
–Даршул. Ухьу гъапІу жафа чаз ккуниси туврур.
***
–Почтальон фуж ву?
–Аьлакьайин игьтияжар гьуркьрур.
–Дюз дарва. Почтальон – мялим ву, гьарсариз чаз хуш вуйиб урхуз гъитрур.
***
–Гъуллугъчи фуж ву?
–Мяишатдин жавабдар кас.
–Хъугъуз шлуб дар. Гъуллугъчи – му, кьюб шафна адрацІру улар ва къуру фурсар ву
***
–Директор фуж ву?
–Чазкьан кчвубхурайир.
–Мура аьгъдарвуз. Директор– жарадаризра капІрайир
***
–Халачачи фуж ву?
–Халачйир урхрур.
–Мура аьгъдарвуз. Мурслар уркрур, жикъиди – сур.
***
–Искалачи фуж ву?
–Ликрихъ мурсул хъибтІрур.
–Даршур. Хътубчрур.
***
–Хпир жилирихьан гъийин девриъ фици жара апІуз шулу?
–Жилирин жикъи кушар, чиркар хъайи шалвар ва ацІу сес шулу, хъа хпирин: ярхи ккурттар, кушар ва ккуру сес шулу – гьаддиинди дурар жара апІуз шулу.
–Дюз дарва. Хпир жилирихьан му замандиндари чиб-чпин мясляаьтниинди жара апІуру, даршиш – судди.
***
–Бализ швушв фила хуру?
–Чан яшар гъахьиган
–Хъа вадар. Саб шишал дюгю гъибихъган!
***
–Мюгьюббат фу ву?
–Шур‘ин вая табиаьтдиин аьшкьлямиш хьувал.
–Улихь фукІара рябкъюрайир дарва. Мюгьюббат – кІваз дердерна, кІул‘инна бала ву.
***
–Йип гьеле яв кІван мурад фу вуш?
–Йиз кІван мурад, йигъар ухди гъягъюб вуйиз.
–Гьаз вуяв йигъар ухди душну?
–Ихь гьюкуматдиъ яшамиш шлу мумкинвалар багахь хьуз.
–Йизра гьадму мурад вуйиз, хъа сабдихьан гучІуразуз: мумкинвалар хьайиз узу кьаби шул кІури!
***
–Яв аьхиримжи кьюб гаф?..
–Уву узухъди гьюжатар дарапІуб!
–Гьаз?
–Я ягълу жандик ктариз, я ягълухъ жибдиъ адариз, ичІи фуниъ ирчу гьюжатар эдерчуриз!
1991.