…Ачам шарналын, мурыжым мурем
Любовь Петрова-Камалетдинова
Шинчамлан изирак изамын, Александр Петровын, ик почеламутшо перныш. Тушто тыгай корныла улыт:
«Тачат чонем вўчка авамын тўсшє,
Ачам шарналын, мурыжым мурем...»
Нине корныла ала-молан вигак самырыкрак годсо пагытыш пєртылтат. Шарналтеш, кузе ме, вич икшыве, У ий, Петро пайрем-влаклан але иктаж-кудыжын шочмо кечыжым палемдаш, кугурак пашам ышташ кўлмє годым ачай-аваймыт деке погынен миена ыле. Тыгай годым телымже пєрт кєргє муро дене шергылтын, тавыме йўк ала-кушко шумеш шоктен. Ке‰ежым вўта ше‰гелне але чо‰алтше пєрт воктенсе изи курык тураште, пўртўс ло‰гаште, шашлыкым жаритлыме пуш ден муро йўк ял мучко шарленыт. Поснак ачайын йєратыме такмакше-влак сылнын йо‰геныт. Тудо гармонь почеш эре иктымак уэш-пачаш мура ыле:
«Ие, ие, ие шол, туге, туге, туге шол –
Йогышо вўдын шо‰жо улына.
Ие, ие, ие шол, туге, туге, туге шол –
Коштан Кожласолан марийже улына».
Вес такмакым ачай эре авай велыш савырнен шогалын муралта ыле, вет тудым моткочак йєратен:
«Пеледышан письмам мый колтенам,
Налынат гын, уке гын, йолташем?
Налын отыл гын, шке толынам.
Вученат гын, уке гын, йолташем?»
Кызыт нуным, чынжымак, шарналташ да шарналтен мураш гына кодын – ачана ош тўня дене икмыняр ий ончычак чеверласен. Изам-шамыч, поснак изиракше, ик пайрем годымат нуным муралтыде огеш кодо...
Тунам, пырля веселитлыме, пырля пашам ыштыме да просто илыме годым ача иктаж-кунам кола манын шонымо мо? Тыгай шонымаш ала-молан вуйышто нигунамат лийын огыл, тудо эре илышашла чучын, кузе кызыт ава нерген тыгак шонена. Ачай кызыт ила гын, тудым ала-кузе чаманен ашнена ыле дыр. Южгунамже тунар чот тудым миен єндалме, «ачай, кузерак илет, тазалыкет могайрак?» манме шуэш, но тудо уке...
Юмылан тау, кеч ик лишыл айдемына, авана, эше ила. Шочмо ялыш, шочмо суртыш миен толмо шумо годым уло, кушко миен пураш, кєлан э‰ерташ. Авайжат огеш лий гын? Ой, уке...
™мыр пеш кўчык. Шижынат от шукто – эртен кая. Ача-аван уке лиймекышт, «тыге ыштем ыле, туге ыштышашет ыле» манын, єкынаш ынже перне ыле. «Мо улым огына арале, йомдарымеке, шортына» калыкмут семын ынже лек ыле ...
2008 ий