I
Марие, Дево Чистая,
Пресвятая Богородице.
Радуйся, Невесто неневестная.
II
Царице Мати Дево,
Руно всех покрывающее.
Радуйся, Невесто неневестная.
III
Превысшая Небесных Сил,
Нетварное Сияние.
Радуйся, Невесто неневестная.
IV
Ликов девичьих Радосте,
и Ангелов Превысшая.
Радуйся, Невесто неневестная.
V
Небес Честная Сило,
и Свете паче все светов.
Радуйся, Невесто неневестная.
VI
Честнейшая Владычице
всех Небесных Воинств.
Радуйся, Невесто неневестная.
VII
Всех праотцев Надеждо,
пророков Исполнение.
Радуйся, Невесто неневестная.
VIII
В подвизех Ты — Помоще,
Кивоте Бога Слова.
Радуйся, Невесто неневестная.
IX
И девам — Ликование,
и матерем — Отрадо.
Радуйся, Невесто неневестная.
X
Целомудрия Наставнице,
душ наших Очищение.
Радуйся, Невесто неневестная.
XI
Покрове ширший облака,
и страждущих Пристанище.
Радуйся, Невесто неневестная.
XII
Немощных Покров и Заступнице,
Надеждо ненадежных.
Радуйся, Невесто неневестная.
XIII
Марие — Мати Христа —
Истиннаго Бога.
Радуйся, Невесто неневестная.
XIV
Ааронов Жезле Прозябший,
Сосуде тихой радости.
Радуйся, Невесто неневестная.
XV
Всех сирых и вдов Утешение,
в бедах и скорбех — Помоще.
Радуйся, Невесто неневестная.
XVI
Священная и Непорочная,
Владычице Всепетая.
Радуйся, Невесто неневестная.
XVII
Приклони ко мне милосердие
Божественнаго Сына.
Радуйся, Невесто неневестная.
XVIII
Ходатайце спасения,
припадая взываю Ти:
Радуйся, Невесто неневестная.