Вялiкдзень

Вялiкдзень.Пасха *

Вялікае гадавое веснавое свята, карані якога вядуць у глыбокую старажытнасць. Гэтым святам некалі адкрываўся новы каляндарны год.

Свята пачыналася "ўсяночнай". З Краснай суботы на нядзелю многія ня спалі, на вуліцах палілі кастры, у хатах таксама ўсю ноч гарэла святло, чулася стральба, некаторыя ўжо шукалі папараць-кветку.

Раніцай хадзілі глядзець "гульню" сонца, пафарбаванымі яйкамі гулялі "ў біткі", качалі іх, гушкаліся на арэлях, вадзілі карагоды. Дзяўчаты скакалі цераз сані: "каторая, перескакваючы, ўпадзе, тая застанецца старай дзеўкаю дзеваваць".

Па вёсках Беларусі хадзілі валачобнікі, спявалі песні гаспадару і гаспадыні, дзяўчыне, хлапцу, бабцы і усім іншым.

Лічылася, што на Вялікдзень пачынае кукаваць зязюля.

Пазьней царква замацавала свята ў сваім "рухомым" пасхальным каляндары.

Праваслаўныя хрысціяне адзначаюць Вялікдзень

Праваслаўныя вернікі ўсяго свету святкуюць сёння Уваскрэсенне Хрыстовае. Святочныя набажэнствы праходзяць ва ўсіх праваслаўных храмах Беларусі.
У велікодным пасланні мітрапаліт Мінскі і Слуцкі Філарэт, патрыяршы экзарх усяе Беларусі, заклікаў паству "ісці за Хрыстом Уваскрослым, каб радасць наша была поўнай".

"Быць хрысціянінам азначае несці велікодную сілу любові нашым блізкім. Там, дзе нам бачыцца безнадзейнасць гора, злосць і пекла, — там Гасподзь сцвярджае Свой Крыж, каб, разарваўшы путы граху, засіяць святлом радасці, сэнсу і любові. Мы, хрысціяне, — спадчынныкі Вялікадня Хрыстовага! І Вялікдзень — гэта не падзея аднаго дня. Яна не завяршаецца нават Узнясеннем і Пяцідзясятніцай. Яна заўсёды там, дзе мы сілай Божай перамагаем грэх!" — зазначаецца ў пасланні.

"Любоў жа да Госпада няхай будзе для ўсіх нас сілай, якая ўмацоўваецца ў любові да бліжняга і да нашай Айчыны. Не трэба думаць, што Гасподзь бліжэйшы да чалавека ў нейкіх асаблівых месцах, там, дзе нас няма. Будзем тут, на зямлі продкаў, маліцца аб дараванні нам Боскай ласкі!" — заклікаў мітрапаліт Філарэт.

Кіраўнік Беларускай праваслаўнай царквы бярэ ўдзел у святочных набажэнствах, якія пачаліся напярэдадні ў сталічным кафедральным саборы Святога Духу і прадоўжацца сёння.

Чакаецца, што храм традыцыйна наведае Аляксандр Лукашэнка і іншыя высокапастаўленыя чыноўнікі.

Паводле апошніх звестак, у Беларусі дзейнічаюць 11 праваслаўных епархій, у якіх служаць 14 архірэяў, у тым ліку тры вікарныя, а таксама 1.551 прыход, 34 манастыры, адна акадэмія, дзве семінарыі, тры духоўныя вучылішчы, 654 нядзельныя школы. На ніве Беларускай праваслаўнай царквы працуюць 1.485 святароў і 166 дыяканаў.

БелаПАН
Мінск, 15 красавіка 2012

Наша пошта:
belkutok@mail.ru

Другие статьи в литературном дневнике:

• 29.04.2012. Эстер
• 22.04.2012. Радуница
• 15.04.2012. Вялiкдзень
• 11.04.2012. Станция Октябрьская. Станцыя Кастрычнiцкая
• 08.04.2012. Благавешчанне