Сенинг жуфти ҳалолинг,
Кўкда танҳо ой бўлсин.
Сен-эркаксан, аёлинг,
Гўзалликка бой бўлсин.
Ишдан толиб қайтганда,
Чарчаб-ҳориб қайтганда.
Қисқа қилиб айтганда,
Юмшоққина жой бўлсин.
Кўзни олсин чиройи,
Дилни ўртар дуойи.
Пахса урсин бинойи,
Нозик қўли мой бўлсин.
Ўзни бунча суйдирма,
Висолингда куйдирма.
Сув ичгани югурма,
Қўлларида чой бўлсин.
Ҳеч кимга гул термаган,
Қалбин очиб кермаган.
Жиловини бермаган,
Минилмаган той бўлсин.
Сенда бўлсин туйғуси,
Қисқа бўлсин уйқуси.
Қиқирлаган кулгуси,
Шарқираган сой бўлсин.
Эрта туриб кузатиб,
Қўлингга гул узатиб.
Машинангни тузатиб,
Кийимлари мой бўлсин.
Севги нима билмаса,
Йиғламаса кулмаса.
Айтганингни қилмаса,
Аҳволига вой бўлсин.
Б ЛСИН
© Copyright: Murodilla, 2003
Свидетельство о публикации №203050400094
Свидетельство о публикации №203050400094
Рецензии