Акафист св. благоверной кн. Иулиании Новоторжской

АКАФИСТ св.благоверной княгине Иулиании

КОНДАК 1
Избранную от великоименитого боярского рода, женскую слабость мужески поправшую и разженнаго похотью мучителя чистотою своею посрамившую, Иулианию славную вернии песньми почтим. Точит бо нам неоскудно исцеления и молит о спасении: все зовущих ей: Радуйся, Иулиание благоверная княгиня целомудренная.

ИКОС 1
Ангелов сожительница и страстотерпцем сопричастница быти сподобилася еси всечестная Иулиание ангельскую бо чистоту от пелен сохранила, еси и тоя ради мученическую кончину доблественно восприяла еси: и ныне со ангельскими лики и мучеников сонмы Престолу Всесвятыя Троицы предстоящи, моли о помиловании нас приносящих ти похвальная сия:
Радуйся, даров духовных исполненная.
Радуйся, венцем мученическим украшенная.
Радуйся, непоколебимый во искуплениях терпения столпе.
Радуйся, твердое во обстояниях мужества основание.
Радуйся, добродетели неувядаемый цвете.
Радуйся, лозы Христовой многострадальная розго.
Радуйся, благочестия честное прозябание.
Радуйся, чистоты доброто и похваление.
Радуйся, голубице крыла позлащенная имущая.
Радуйся, теми в райская обители возлетевшая.
Радуйся, Иулиание благоверная княгиня целомудренная.

КОНДАК 2
Видящи мати твоя благоверная Иулиание всю скорбь и тяготу вдовства своего, еще малолетней ти сущей моляще Всесильного Бога, да возрастит и
усовершит тя Своею благодатию я купно с тобою пояше Ему: Аллилуйя.

ИКОС 2
Разумом непомраченным греховными страстьми издетска разумевши необименного Бога Иулиание богомудрая, несомненно в Того веровала еси, и неизреченныя и спасительная повеления Его соблюдши, подвизаеши пети тебе звании сими:
Радуйся, ум свой к Божественней высоте вперившая.
Радуйся, одеяние души твоея чистотою украсившая.
Радуйся, силу Божию в немощном естестве своем показавшая.
Радуйся, венец победный от Десницы Живоносныя приявшая.
Радуйся, цвете чистоты, среди кала греховного проростший.
Радуйся, крине целомудрия, посреди терния похотей душе губительных процветший.
Радуйся, чистая ластовице.
Радуйся, красная горлице.
Радуйся, яко в молитве тайно бдела еси.
Радуйся, яко писаньями богодохновенными насладилась еси.
Радуйся, Иулиание: благоверная княгиня целомудренная

КОНДАК 3
Силою благодати Божией сохраняема блаженная княгиня Иулиание, во благочестии от юных лёт возрастала еси, и от силы в силу, и от славы в славу восходила еси воспевающи укрепляющему тя Богу благодарственную песнь: Аллилуйя.

ИКОС 3
Имущи в сердце своем огнь любви ко Христу Богу, грех и нас ради человек распеншагося Господа выну помышляла еси, прехвальная Иулиание: темже ко страстем себе от младенства приуготовила еси и научила еси всех вопйти тебе сице:
Радуйся, любовь ко Христу в себе возжегшая.
Радуйся, тоя ради любве тягчайшия муки претерпевшая.
Радуйся, яко Жениха Безсмертнаго возжелала еси.
Радуйся, яко Тому в дар страдания своя принесла еси.
Радуйся, яко красотою страданий твоих Прекрасному Жениху Христу уподобилася еси.
Радуйся, яро Крест Господень на рамо вземши воздержанием Сему последовала еси.
Радуйся, благочестия ревнительнице.
Радуйся, на врага добляя победительница.
Радуйся, яро тобою от нечистых похотей избавляемся.
Радуйся, яко тобою от пагубных страстей свобождаемся. ,
Радуйся, Иулиание; благоверная княгиня целомудренная.

КОНДАК 4
Бурю жития долу влекущаго, и наслаждения красоты, и славу цветущую, яко временну оставльши, блаженная Иулиание добротою красною целомудрия распаляема ко Христу прилепилася еси поющи Ему: Аллилуйя.

ИКОС 4
Слыша богоименитая Иулиание иерея некоего сказания о подвизех мучеников Христа Господа больши живота своего возлюбльших и за имя Христово смерть радостно приявших ревностию о подвизех сих воспламеняшеся и к святости и чистоте христианстей понуждашеся. Мы же ведуще сия, восхваляем ю сице:
Радуйся, яко о подвизех мученических возревновала еси.
Радуйся, яко славу маловременную презрела еси!
Радуйся, добротами божественныя красоты украшенная.
Радуйся, красоту духовную и доброту телесную в себе сочетавшая.
Радуйся, благоухания духовнаго нас исполняющая.
Радуйся, тьму бесовскую далече отгоняющая.
Радуйся, благ духовных и телесных подательница.
Радуйся, у Престола Божия за нас присная ходатаица.
Радуйся, яко о Господе ликуеши.
Радуйся, яко лучами благодати Божия исполнявшися.
Радуйся, Иулиание благоверная княгиня целомудренная.

КОНДАК 5
Богосиянную звезду, от града Торжка возшедшую и небесными свётлостьми возсиявшую видим тя, все-хвальная княгиня Иулиание: и ныне во светлостех мучеников святьгх пребывавши, купно с ними восхваляющи Светоподателя всяческих и поющи Тому: Аллилуйя.

ИКОС 5
Видев тя беззаконный князь Юрий, елико душев ною красотою сияющую, тако и телесным доброт-ством блистающу, и похотью нечистою распаляем
восхоте обольстити тя. Ты же всечестная Иулиание,
рачение плоти превозмогши, яро воистинну крепкий
адамант целомудрия явилася еси. Сего ради любовию
вопием тй:
Радуйся, чистоты забрало Боговидное.
Радуйся, естества цвете благороднейший.
Радуйся, елеем благочестия преукрашенная.
Радуйся, чистоту душевную и телесную соблюд шая.
Радуйся, в женстем естестве мужескую доброту явившая.
Радуйся, невидимую державу противных сил по бедившая.
Радуйся, паче сильных мужей крепчайшая.
Радуйся, премудрых века сего мудрейшая.
Радуйся, яко врага льстивого крепкая сопротиво-
борница явилася еси.
Радуйся, яко мужески подвиг претерпела еси.
Радуйся, Иулиание благоверная княгиня целомуд ренная.

КОНДАК 6
Проповедник твоея чистоты, и праведности явися мучитель твой святая княгиня Иулиание ты бо доброте красней души твоея страстьми осквернитися не
стерпела еси, доброту несказанную честнаго Жениха твоего уразумевши и плотскую любовь твердо отвергла еси воспевающих Христу Богу победную
песнь: Аллилуйя.

ИКОС 6
Возсияла еси светлостьми добродетелей твоих преславная Иулиание, и подвигом мученическим украсилася еси. Тем же паче солнца сияеши и просвещаеши всех, твою светоносную память совершающих
верно и приносящих та хваления сия:
Радуйся, мужественная мученице.
Радуйся, плотских страстей целительница.
Радуйся, яко крин добродетельми твоими процвётшая.
Радуйся, целомудренным путем шествовавшая.
Радуйся, адскую гордость отвергшая.
 Радуйся, небесную сладость возлюбившая.
Радуйся, пламень похоти разженным, мудрованием угасившая.
Радуйся, свешу душевную неугасимую соблюдшая.
Радуйся, яко стремление нечистоты опалила еси.
Радуйся, яко на высоту добродетелей взошла еси.
Радуйся, Иулиание благоверная княгиня целомудренная.

КОНДАК 7
Хотя ласкосердыи мучитель, похоти своея желание улучити, ласкательными словесы и мольбы многими и коварством и прещении грозными облазнити тя
покушашеся: ты же, всеславная, плоти мудрование отвергши, болезнение вопияла еси: не разлучит мене любве Христовой ни славы обещание, ни мук прещение, и радостно взывала еси Ему: Аллилуйя.

ИКОС 7
Новую безчеловечия ярость показа неистовый мучитель твой досточудная Иулиание, егда слугам повеле сотворите ног твоих отъятие и рук отсечение и
в реку Тверцу воврещи бездыханное тело твое. Мы же таковому зверонравию содрагающеся твоя страсти восхваляюще вопием ти сице:
Радуйся, мучеников радование.
Радуйся, целомудренных похваление.
Радуйся, струями кровей твоих землю оросившая.
Радуйся, отсечение удове телесных претерпевшая.
Радуйся, к лику мученическому сопричтенная.
Радуйся, одеждею чистоты испещренная.
Радуйся, кровию своею освятившаяся.
Радуйся, тлителя целомудрия поправшая.
Радуйся, яко сердечным рачением твоим Ангелы удивила еси.
Радуйся, яко мужеским сплетением врага невидимого низложила еси.
Радуйся, Иулиание благоверная княгиня целомудренная.

КОНДАК 8
Странствия земнаго течения мученически скончав ши ко Христу Неприступному Свету взошла еси достохвальная Иулиание. Ему же ныне предстоиши духовно ликовствующи и воспевающи радостную
песнь: Аллилуйя.

ИКОС 8
Всю лесть змеинину низложила еси, и Ангельские лики возвеселила еси преблаженная Иулиание на камени бо твердо целомудрия утвердившеся убийцу врага посрамила еси и венец победный от Христа Царя достойно восприяла еси. Сего ради сльгшаши от нас похвалы сия:
Радуйся, духом своим безплотныя удивившая.
Радуйся, мужеством своим тех возвеселившая.
Радуйся, в жертву себе Богу предавшая.
Радуйся, жертва благоприятная Тому явившаяся.
Радуйся, яко страсти многих мук претерпел еси.
Радуйся, яко к сиянию незаходимаго света преставилася еси.
Радуйся, тела мертвенного не пощадившая.
Радуйся, безсмертие неиждиваемое наследовавшая.
Радуйся, яко преступнаго мучителя советы избегла еси.
Радуйся, яко страдальческим путем во обители Небесная возшла еси.
Радуйся, Иулиание шаговерная княгиня целомудренная.

КОНДАК 9
Всецелу тебе самую Богу принесла еси богомудрая Иулиание и Божественную силу в немощи своей совершила еси, в женстем естестве невидимую державу и силы ея победивши. Тем же убо во дворы Господа твоего, яко дева мудра свешу носящи вошла еси поющи Тому хвалебную песнь: Аллилуйя.

ИКОС 9
Витий красноглаголевых лик не возможет достойно восхвалити тя всехвальная Иулиание како бо ты чудодетельне явила еси тело твое, противу быстрин речных плывущи разслабленному некоему по брегу Тверцы идущему. Таковому промышлению о тебе Божию чудящеся, во умилении сердец наших приносим ти похвальная сия:
Радуйся, зарями чудес твоих сияющая.
Радуйся, богатно нам чудесы источающая.
Радуйся, яко каплями кровей твоих души твоей багряницу многоценну исткала еси.
Радуйся, яко теми в ризу нетленного веселия содеялася еси.
Радуйся, елей Божия Благодати искапающая.
Радуйся, яко благовонный фимиам ко Христу Богу вознесшаяся.
Радуйся, тленную славу презревшая.
Радуйся, венцем нетления венчавшаяся
Радуйся, яко страданьми твоими, яко злато в горниле искусилася еси.
Радуйся, яко честное жилище Спасу Христу соделалася еси.
Радуйся, Иулиание благоверная княгиня целомудренная.

КОНДАК 10
Спастися хотя всем человеком Щедродагедь Господь дарова нам святое тело твое блаженная Иулиание, яко сосуд избранный и источник благодатный от
него же вси версии токи исцелении черплюще, выну вопиют прославльшему тя Богу: Аллилуйя.

ИКОС 10
Стена еси твердая и крепкое забрало граду нашему святая мученица Иулиание и всех с верою и любовию прибегающих к тебе, знамений дивных исполняеми о величии явльшагося в тебе Бога вещающих.
Сего ради приими от нас пения сия:
Радуйся, чудеса возсиявшая.
Радуйся, цельбы нам источающая.
Радуйся, страстей лютых утоление.
 Радуйся, в скорбех сущих заступление.
 Радуйся, недуги неисцелиныя врачующи.
Радуйся, огненное опаление уставляеши.
Радуйся, источник исцелений неоскудеваемый.
Радуйся, сокровище Божиих дарований, неиждиваемое.
Радуйся, яко духи лукавыя отгоняешь.
Радуйся, яко в печалех всем помогаеши Раду ренная.
Радуйся, Иулиание благоверная княгиня целомудренная.

КОНДАК 11
Пению нашему похвальному вонми угоднице Божия Иулиание, аще бо и ниединоже наше слово довольно было, во еже по достоянию воспевати тя уповаем бо тобою прощение согрешений наших получите и милость от Благодеющаго всяческих улучите да вкупе с тобою воспоем Ему: Аллилуйя.

ИКОС 11
Светозарными сиянми Христа невечерняго Солнца душу и сердце свое озарила еси Богомудрая Иулиание, и к Нему утреневала еси: тем же и к Свету присночудному преложилася еси. Им же просвещавши всех любовию почитающих тя и приносящих ти сицевая:
Радуйся, в чертоги Небесныя вселившаяся.
Радуйся, к вечным Обителям преставившаяся.
Радуйся, к Свету невещественному вошедшая.
Радуйся, целомудрием любовию в горния скиний вознезшаяся.
Радуйся, яко благодати Христовы благоуханием в небеснем вертограде ныне исполняешися.
Радуйся, яко Божественныя славы зрением во обителех светозарных ныне утешаешися.
Радуйся, поблественная страстотерпица.
Радуйся, вечного блаженстве наследница.
Радуйся, яко мрак страстей разгоняеши.
Радуйся, яко славою Божиею исполняешися.
Радуйся, Иулиание благоверная княгиня целомудренная.

КОНДАК 12
Благодать прияла еси страсти плотския целити, прехвальная мученице Иулиание, и нас усердно воспевающих тя душевных и телесных болезней избави, твоими яже к Богу молитвами да дерзновенно вопием Ему: Аллилуйя.

ИКОС 12
Поюще подвиги твоего предивнаго жития, твоя преславныя и богатодательная благодеяния тобою нам дарованныя ублажаем тя блаженная княгиня Иулиание, блаженна бо во истину явилася еси и в житии твоем, и в смерти и по смерти твоей. Сего ради воспеваем тя блаженми сими:
Радуйся, нищету духовную возлюбившая
Радуйся, вся красная мира сего презревшая!
Радуйся, в плаче о Господе слезами очи своя оросившая.
Радуйся, правду небесную возжадавшая.
Радуйся, земли кротких наследница.
Радуйся, преудобренная страстотерпица.
Радуйся, милость от Бога восприявшая.
Радуйся, чистотою сердечною Того узревшая.
Радуйся, яко миром духовным облагоухаеши.
Радуйся, яко мзду небесную достойно восприяла еси.
Радуйся, Иулиание благоверная княгиня целомудренная.

КОНДАК 13
О, святая мученица благоверная княгиня Иулиание! Тебе Престола Господа Славы молящейся за ны, мы грешнии на земли живущий приносим хвалебное сие благодарение и усердно просим тя: моли Всещедрого Бога пробавити милость Свою на землю Российскую, утвердити ны в православии и благочестии даровати нам прощение согрешений, избавится нам от
напрасныя смерти и будущия муки, да с тобою во веки поем Ему: Аллилуйя. Аллилуйя. Аллилуйя.
Паки икос 1: Ангелов сожительница.
и кондак 1: Избранную...

Величание
Величаем тя, святая благоверная княгине Иулиание и чтим честная страдания твоя, ты бо молиши за нас Христа Бога нашего.