О умножении любви и искоренении ненависти и злобы

...


О умножении любви и искоренении ненависти и всякой злобы.


Союзом любве апостолы Твоя связавый, Христе, и нас, Твоих верных рабов, к Себе тем крепко связав, творите заповеди Твоя и друг друга любити нелицемерно сотвори, молитвами Богородицы, Едине Человеколюбче.

Пламень любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя, и искренняго своего, яко себе, и повеления Твоя хранящее славим Тя, всех благ Дателя.

Да совершени в любви Твоей, Боже наш, будем, ко искреннему нелицемерную имети любовь принуди нас Твоего Духа благодатию, Владыко: к Тебе бо любовь имети мняйся, брата же своего ненавидяй, ложь есть, и во тьме ходить. Темже, Милостиве, в любве Твоей и братей распали души и сердца наша, молимтися яко милостив, скоро услыши, и яко щедр помилуй.

Сице в нас Твою любовь силю благодати Пресвятаго Твоего Духа всели, Всещедрый Господи, еже не точию братию и други, но и врагов наших, по Твоему Божественному повелению, истинно любити, и ненавидящим нас благотворити, и о спасении их искренно тщатися, молим Ти ся, Благости Источниче и Человеколюбия Пучино, скоро услыши и, яко Благосерд, помилуй.


...


Рецензии
Спасибо за Ваш Труд!

Татьяна Столяренко-Малярчук   10.09.2009 14:28     Заявить о нарушении
Во славу Божию!

Елизавета Басова   11.09.2009 19:03   Заявить о нарушении
На это произведение написаны 2 рецензии, здесь отображается последняя, остальные - в полном списке.