Мая Мая
Добрая. Лагодная. Мiравая. Аб гэтым напiсана шэраватымi павуцiнкамi на блакiтнай паперы яе глыбокапасаджаных вачэй.
Сцiплая. Простая. Працавiтая. Расказваюць яе рукi без адзiнага пярсцёнка, што ляжаць адна у адной на каленях, далонямi уверх.
Сапраудная. Шчырая. Светлая. Распавядаюць вершы, што яна пiша у тоненькi школьны сшытак. Чамусцi яна нiколi не абiрае агульны.
Моцная. Самаадданая. Мудрая. Кажуць дзве глыбокiя вертыкальныя палоскi на iлбе i россып праменьчыкау ад вугалкоу вачэй.
Цiхая. Пранiзлiвая. Пяшчотная. Шапоча вецер за яе вакном, калi па вечарах яна кладзе на тканiну рознакаляровы узор з нiтак i бiсеру.
Чуллiвая. Клапатлiвая. Любiмая. Разбрызгана кроплямi расы на пялёстках кветак, што кожную ранiцу прасыпаюцца пад яе вокнамi.
Родная. Майская. Мая. Матуля.
Свидетельство о публикации №210120800684