Ях1 ва намус. Избербаш - 2003д

Б У Т1 А КЬ Я Н Ч И Б И :

Хаин – жагьси дубурлан.
Пат1имат – илала неш.

























Ц А И Б И Л    А Н Ц1 Б У КЬ
С у р а т   ц а э с и л

Хаин  Неш, ну вак1ира.
Пат1имат  Чарухъунрив, дила урши. Х1ела азир мурад даъ ! Х1ела нешлис ват ! Даили сари дила балгни Кьудратла Вег1личи !
Хаин  Неш, х1ед нуни савгъатуни асира.
Пат1имат  Баркалла, дила урши, х1у арали чарухъни – бег1лара дурхъаси савгъат саби наб.
Хаин  Х1ера иш х1ева, ишди дабри, иш к1ана.
Пат1имат  Х1ябилра къугъати лер. Дахъал арц дедири ургуд ? Г1ях1си х1янчи бикибу ?
Хаин  Г1е, г1ях1си х1янчи бикиб.
Пат1имат  Иш к1ана х1ед гелешмеш уриркьух1ели бухес балтас.
Хаин  Неш, г1яг1ниси ах1ен. Илгъунти к1унби нуни гьанна даршал асес вирус.
Пат1имат  Х1ябилра къиянси буили саби х1ела х1янчи илцад арц дарили виадли.
Хаин  Ах1енри, къиянси ах1енри. Ил дебали гьамадсири. Бархьли бурасли, наб дебали гьарбизур.
Пат1имат  Чинав узири, дила урши ?
Хаин  Х1ябал гъай дурнилис иш мургьила къурушма биц1ибси тавра гиб.
Пат1имат  Чини ?
Хаин  Урус пачала офицерли.
Пат1имат  Се гъай дурри илизи ?
Хаин  Набзи хьарбаиб: «Сен-сен аркьуси Имам Шамилличи ?» Нуни гьуни чебаахъира. Офицерли наб тавра лайбак1иб. Х1ерик1ус – мургьила къурушми.
Пат1имат Агь, дила урши, х1уни се барри ? Чинарригъари х1ела ях1 ва намус ?
Хаин  Къадализи лайдак1ира.
Пат1имат  Сегъуна къадализи ?
Хаин  Мурхьси.
Пат1имат  Рукаба, дила урши, ил къадала лут1иличи х1ерэс дигулрану.
Хаин  Г1яжаирси леррикьалли х1у, неш.
Пат1имат  Г1ур чинилра багьуру х1уни мургьи сасниличила ?
Хаин  Х1ера гьанна, ну абдалмага сайрав ? Х1ебагьур.
      Хаин дураулхъан.
Пат1имат  Имам Шамил багьандан верх1елра узинира дудешлира жан дедиб, Хаинни – ил увведиб.

С у р а т    к1 и э с и л

Хаин  Х1ера их, къада.
Пат1имат  Ва, къада, мурхьси къада !
                Урузх1ек1улрив ? Бура,
                Уршила намус, ях1лис
                Се пешкешбаррил бура ?!
Къада  Мургьила тавра гира,
             Дахъал палтурти гира,
             Урчи пешкешбарира,
             Къинжал савгъатбарира.
Пат1имат  Ва, къада, мурхьси къада !
                Хаин х1ела сай гьанна !
                Х1ед лигбира, х1ед х1ира,
                Чархра х1ед марчинайла !
Пат1иматли Хаин къадала т1ях1иу.               
                10 март 2003д.
                14с. 02 мин.