Икона Божией МатериСмоленская

О, Пречудная и Превысшая всех тварей Царице Богородице, Небесного Царя Христа Бога
нашего Мати, Пресвятая Одигитрие Марие! Услыши ны грешныя и недостойныя, в час сей
молящияся и к Тебе со вздыханием и слезами пред Пречистым образом Твоим припадающия,
и сице умильно глаголющия: извиди нас от рова страстей, Одигитрия благая, избави нас
от всякия скорби и печали, огради от всякие напасти и злых клевет и от неправеднаго
навета вражия: можеши бо, о Благодатная Мати наша, не точию от всякого зла сохранити
люди Твоя, но и всяким благодеянием снабдити и спасти. Разве бо Тебе иныя предстатель-
ницы в бедах и обстояниях и теплыя ходатаицы о нас грешных к Сыну Твоему, Христу Богу
нашему, не имамы. Егоже умоли, Владычице, спаси нас и Царствия Небеснаго сподоби, да
спасеннии Тобою славим Тя и в будущем веце, якоже спасения нашего виновницу, и превозносим Всесвятое и Великолепное имя Отца и Сына и Святаго Духа, в Троице славимаго
и покланяемаго Бога, во веки веков.Аминь.