Пяточисленная православная молитва

   
 Однажды, я  случайно услышала о пяточисленных молитвах .  В то время было еще тяжело достать православный молитвослов и любую другую православную литературу. Поэтому долгое время оставалось мечтой, хоть раз услышать эти молитвы. Но как-то  я решила навестить одну больную старушку.  Баба Нина, рассказала, как ездила в монастырь и там купила несколько книжечек с редкими молитвами.  На прощание  она подарила мне маленькую книжечку, и сколько же у меня было радости, и восторга, когда я увидела, что это были пяточисленные молитвы!  Давно это было, но то трепетное чувство меня до сих пор не покидает, когда я раскрываю  эту книжечку.  Поэтому решила напечатать эти молитвы на своей страничке  и поделиться со своими читателями. Сейчас, конечно, много разной литературы, может быть многие из Вас знают о пользе и красоте пяточисленных молитв, но если я  донесу их и открою, хоть для одного моего читателя, значит моя  работа была проделана не зря.
               
               
                ПЯТОЧИСЛЕННЫЕ МОЛИТВЫ
                ( читаются по благословению духовника)

 Творение святителя Димитрия Ростовского.

Один старец , стоя на молитве и быв восторзе, слышал глас Господа нашего Иисуса Христа, глаголющий с Пречистою и Пресвятою Богородицею,  Материю Своею, рекши к Ней:
-Рцы Мне,  Мати Моя, колико болезней наибольших , живущи на свете, претерпела еси Мене ради?
И рече Пресвятая:
-Cыне и Боже Мой! Наибольших пять болезней Тебе ради претерпела: первая- егда услышала от Симеона Пророка, еже имел еси быти; вторая – егда, ищущи Тебе в Иерусалиме через три дня; третья – егда Тя поймана и связана от жидов услышала; четвертая – егда Тя на Кресте между разбойниками Распятаго видела; пятая – егда Тя видела во гробе полагаема.
И рече к Ней Господь:
-Глаголю Тебе, Мати Моя: аще кто каждую болезнь Твою на кийждо день прочтет с молитвою Моею, сие есть << Богородице,  Дево радуйся >>

- за первую болезнь дам ему познание грехов и жаление о них;
-за вторую – дам ему всех грехов прощение;
-за третью – возвращу ему добродетели его, через грехи изгибшия;
- за четвертую – напитаю его, при смерти его, Телом и Кровию  Моею Божественною;
-за пятую – явлюся ему  Сам при смерти его и приму душу его в живот вечный.   Аминь.
По видению этого богоносного старца святителем  Димитрием Ростовским было сложено далее следующее молитвословие.
                Начало к сим молитвам :
Слава Тебе, Христу Богу моему, не погубившему мя грешного со беззаконьми моими, но даже доселе грехом моим потерпевшему.
                ПОКЛОН.
Сподоби, Господи, в день сей без греха сохранитися нам; даруй ми, Господи, да ни словом, ни помышлением прогневаю Тя, создателя моего, но вся дела моя, советы и помышления да будут во славу Пресвятаго Имени Твоего.
                ПОКЛОН
Боже милостив, буди мне, грешному, во всей жизни моей: во исходе моем и по кончине моей не остави мене.
                ПОКЛОН

                СИЕ, ПАДШИ НИЦ  НА  ЗЕМЛИ, ГЛАГОЛИ:

Господи Иисусе Христе, Сыне Божий, прими умершаго мя душею и умом. Прими мя грешнаго, блудника, сквернаго душею и телом. Отыми неприязнь безстудную и не отврати лица Твоего от мене, не рцы, Владыко:<< Не вем, кто еси>>, но вонми гласу моления моего; спаси мя, яко имеяй множество щедрот и не хощеши смерти грешника, не оставлю же Тя, Создателя моего, и не отступлю от Тебе, дондеже послушаеши мя и даси всем грехом моим прощение, молитв ради Пречистыя Матере Твоея, предстательствы честных Небесных Сил безплотных, святаго славнаго Ангела-хранителя моего, Пророка же и Предтечи Твоего Крестителя Иоанна, богоглаголевых апостол, святых и добропобедных мученик, преподобных и богоносных отец наших и всех Твоих святых, помилуй и спаси мя грешнаго.     Аминь.

                МОЛИТВА СВЯТОМУ ДУХУ
               
   
Царю Небесный, Утешетелю, Душе истины, Иже везде сый и вся исполняяй, Сокровище благих и жизни Подателю, приди и вселися в ны, и очисти ны от всякие скверны, и спаси, Блаже, души наша.

                ТРИСВЯТОЕ

Святый Боже, Святый Крепкий, Святый Безсмертный,  помилуй нас.  ( Читается трижды, с крестным знамением и поясным поклоном)
Слава Отцу и Сыну, и Святому Духу, и ныне и присно и во веки веков.   Аминь.


                МОЛИТВА ПРЕСВЯТОЙ ТРОИЦЕ

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи помилуй, Господи помилуй, господи помилуй.
Слава Отцу и Сыну и Святому  Духу, и ныне и присно и во веки веков.   Аминь.

                МОЛИТВА ГОСПОДНЯ
               

Отче наш, Иже еси на небесех!  Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.      
Яко Твое есть Царство и сила и слава во веки.    Аминь.


                ПЕСНЬ ПРЕСВЯТОЙ БОГОРОДИЦЕ

Богородице Дево,  радуйся, Благодатная Марие, Господь с Тобою; благословена Ты в женах и благословен плод чрева Твоего, яко спаса родила еси душ наших.


                ПО СЕМ: МОЛИТВА ПЕРВАЯ

О Мати Милосердая, Дево Марие, аз, грешный и непотребный раб Твой, воспоминаючи Твоя болезни, егда услышала еси от Симеона Пророка о немилостивном убиении Сына Твоего, Господа нашего Иисуса Христа, приношу сию Тебе молитву и Архангельское обрадование, прими в честь и память болезней Твоих и умоли Сына Твоего, Господа нашего Иисуса Христа, да дарует ми познание грехов и жаление о них.
                ( Поклон )
      
                МОЛИТВА ВТОРАЯ

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный  даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.   Яко Твое есть Царство и Сила и слава во веки.  Аминь.

Богородице Дево, радуйся, Благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.

О, Богоблаженная  и Пренепорочная Отроковице, Мати и Дево, прими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда позабыла Сына Твоего, Господа нашего Иисуса Христа, в церкви и через три дни Его не видела еси; умоли Его и испроси у Него всех грехов моих прощение и оставление, Едина Благословенная.   (  Поклон )


                МОЛИТВА ТРЕТЬЯ

Отче наш…  Яко Твое есть Царство…  Богородице Дево, радуйся…

О Мати Света, Преблагословенная Дево Богородице, приими от мене, грешнаго и непотребнаго раба Твоего, сию молитву и Архангельское обрадование, в честь и память болезни Твоея, егда  Сына Твоего,   Господа нашего Иисуса Христа, поймана и связана слышала еси. Умоли Его, да возвратит мне добродетели, через грех изгибшия, да Тя, Пречистая, во веки величаю.               
                ( Поклон)
                МОЛИТВА ЧЕТВЕРТАЯ

Отче наш…  Яко Твое есть Царство… Богородице Дево, радуйся…

О, милосердия Источниче, Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни Твоея, егда на Кресте между разбойники видела еси Сына Твоего, Господа нашего Иисуса Христа, Его же умоли, Владычице, да подаст ми дар Телом и Кровию Своею Божественною,  да Тя, Заступницу, славлю во веки.   ( Поклон)


                МОЛИТВА ПЯТАЯ

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь и остави нам долги наша, якоже и мы оставляем должником нашим; и не введи нас во искушение, но избави нас от лукаваго.  Яко Твое есть Царство и сила и слава во веки.  Аминь.

Богородице Дево, радуйся, благодатная Марие, Господь с Тобою; благословена Ты в женах и благословен плод чрева Твоего, яко Спаса родила еси душ наших.

О Надеждо моя,  Пречистая Дево Богородице, приими от мене, грешнаго и непотребнаго раба Твоего, сию молитву и Архангельское обрадование в честь и память болезни  Твоея, егда видела еси Сына Твоего, Господа нашего Иисуса Христа, во гробе полагаема, Его же умоли, Владычице, да явится мне в час смерти моея и да приимет душу мою в живот вечный.  Аминь. 
                ( Поклон)
О, Премилостивая Дево, Госпаже Богородице, чадолюбивая горлице, небеси и земли Самодержавная Царице, любезная  Приемнице всех, простирающих к Тебе свои мольбы, печальных Утешетельнице, приими от мене, грешнаго и непотребнаго раба Твоего, пяточисленное сие моление, в немже воспоминаю земныя и небесныя Твоя радости, умильно вопиюще к Тебе сице:

( Земные радости )  Радуйся, Заченшая во чреве без семене Христа Бога нашего. Радуйся, без болезни Носившая Того. Радуйся, Породшая чудным смотрением. Радуйся, Восприимшая от волхвов-царей дары и поклонение. Радуйся, яко обрела Рождество Твое преславно из мертвых воста. Радуйся, Видевшая возносящегося Своего Создателя, к Нему же Сама душею и телом возшла еси.

( Небесные радости ) Радуйся, девства ради Своего, паче ангел и всех святых Преславная. Радуйся, близ Пресвятыя Троицы просияющая. Радуйся, Миротворице наша.  Радуйся, Властительнице, обладающая всеми Небесными Силами. Радуйся, паче всех деозновение к Сыну и Богу Своему имущая. Радуйся, милосердая Мати всем, к Тебе прибегающим. Радуйся, яко Твое веселие во веки не скончается!

И мне недостойному, по неложному обещанию Твоему,в день исхода моего, милостива предстани, да Твоим руководством управлен буду к горнему Иерусалиму, в немже прославленно царствуеши с Сыном Твоим и Богом нашим, Емуже подобает всякая слава, честь и поклонение со Отцем и Пресвятым Духом в безконечные веки веков.   Аминь.


От скверных устен моих, от мерзкаго сердца, от нечистаго языка и от души оскверненной приими, Госпоже Царице, сие похваление ,  Радости моя.  Приими, якоже вдовии прияла сии две лепты, и даруй ми принести Твоей благости дар достоин. О Владычице моя, Пречистая Дево, Небесная Царице, якоже хощеши и волиши, паче же научи мя, что ми подобает Тебе, Матери  Божией глаголати к Тебе Единой, грешных Прибежищу и Утешению.  Радуйся, Владычице, да и аз, многогрешный раб  Твой, радостно зову Тебе, Всепетой  Матери Христа Бога нашего.  Аминь.


На Твой пресвятый образ взирая, яко истинную Самую Тя зрю Богородицу, верою сердечною и любовию от души припадаю и поклоняюся; с Предвечным на руку Твоею держимым Младенцем, Господом нашим Иисусом Христом, боголепно почитаю и молю Тя со слезами, покрый мя покровом Твоим  от враг видимых и невидимых, Ты бо род человеческий ввела еси в Царство Небесное.  Аминь.
                По сем:
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава и благодарение Господу за все.   Аминь.
                ( Поклон)