Пенсионерле, джылы келген адамланы, сабийлери бла

Джюз, минг кере окъуйбуз, керти? Бу джазыу метрода вагонну джоругъу, нек тюрлю кёрюнеди? ??  Нек эслемейме мен аны, а бусагъатда бу сёзлени ичинде тас болама… иш этиб сагъышланы къурагъанларына  эсгере, талай кере да окъуй, кесим да къайры эсе да узакъ джолгъа атланама…  Бюгюнлюкде  метрополитен къалай эсе да къуджурду… тауушсуз сеийрлик…
 «Таянмагъыз» - бу джорукъду, не этгин бизни ёмюрюбюзню адетиди. Биз энди джукъгъа да,  кишиге да таяналмайбыз. Биз бусагъатда энчилик тутхан адамлабыз. Къатынгда бир билек да джокъду… кесибиз.
  Къарыусуз, къоркъуб…  ийнанмай. Джарлы, аязыгъан ёмюр. Муну белгиси, сууукъ, джансыз таууш эшитдиреди:
«Сакъ болугъуз, эшикле джабыладала».
Эшикле эртде джабылгъандыла, дауур эте. Биз аланы сансыз ышара джабдыкъ… Болушлукъну эшиклери джабдыла, кертиликни эм ийнамлыкъны… кёб затха  ийнамлыкъны…
Кесиб атдыла бу къарыуну башын. Ийнаннган къарыуну. Бушуу этеме, не заман, не юлгю ийнанмакълыкъ къалмагъанды.  Биз бу ийисли тар вагонланы, тылпыусуз кёзюуюлерине подземканы къалгъанбыз, алгъа  талпыгъан сезимлерибизни да унутуб. Бу эсиртген тен сезимлени малында эди бизни башха тюрлюлюгюбюз, энчи чыгъармачылыгъыбыз.
ООО… Ма буду сезимлени башы – орун къояргъа.
Метро кеси… джангъызлыкъны барыб тохтагъан болушуду… Мында аны къарыуу, асыры уллудан, башынгы тёгерек айландырады.  Къыйынды… кёкюрегинги къысады… мен аурусунуб турама… мен керти къыйын ауруйма, эркин, кёб чайналгъан  тюбеген затла бла.
Къалтырай, хауа солуй, мен наушниклерими излейме… Дженгил бу джерден къачаргъа керекди, ансы ол сезимле мени эки джарты этедиле!
…. Сейир джаз музыкъагъа сингиб, ариу  тауушлагъа тынгылайма. Бир сейирлик тынчлыкъ сезим бла, кёзлерими джабама.
Кёлюме келген затланы къучагъына бёлене учама. Кертиликни бугъоуларындан бошланыб, мен саксофон трубаны ичинде айланнганча болама, бир кёкге  чыгъа, бир ычхынган чапракъча… сенкилдей да, къалтырай, хар къымылдатханы сайын музыкант эринлерин…
«Станция Сокол!» - деген сезлери поездни эриши, дюрген къымылдагъаны, мени энчи сезимлеринден чыгъарды.
Огъур….