Чексиз мийикде сагъышларым

    Энтда бир кере, биягъы мен джолгъа атланама. Туугъан Джуртуму артха къоюб, ёшюнюмю таурух хауадан толтуруб, тёгерекге энтда бир кере тансыкълаб къарай, джол кёл алдым.
Къаплан ашын, чынгаб тутаргъа хазыр болуб гюрюльдегенча, гюрюльдеб, хауаны эки бёле самолёт джол алады. Ичинде олтургъан джолоучулада солууларын бир кесекге тыйыб, тауушсуз боладыла. Мен да эрними акъырын къабыб, сейир сезимге берилеме.

    Самолётну гитче терезечигинден къараб, джюрегиме багъалы элим гитчеден гитче болуб, булутлада тас болуб баргъанын кёрюб, бир аз мыдахлыкъ басады.
Бир кесек заманнга, булутланы тюбюнде къалгъан биченликле кёзюме кёрюнюб, тансыкълай, джашил кырдыкда таяныргъа термилеме. Тёгерегиме къарасам, менича кёб адамла ол сагъышланы эте, кими багъалы адамын къоюб, кими джерин, джарыллыкъларын толтура джолгъа чыкъгъандыла.

     Суукъ сыфаты болса да, джылы ышара, джолоучулагъа кёл эте стюардесса хар бирибизни къатыбызгъа келиб, эс бёледи.
Артда къалгъан, джюрегиме багъалы юйюм, джуртум мени сакъларыгъына ышана, тутхан ишими толтурургъа керек болгъанын ангылаб, кёлюмю басыб, ариу макъамгъа тынгылай, кёк бла джерни ортасында булутлагъа батыла, сыйлы, Аллахым, сен джол бер деб тилейме. Башлагъан ишими толтурургъада сёз береме..