Шунан дов, на чеченском языке

                Латта къуьйсуш, лаьттах 1асанаш а етташ,
                Арауьйзуш бошмийн шунаш, хьекхий детташ,
                Дов-герз хьедеш, девнна уьдуш,
                Нохчех, х1ета, юрт а хуьлу.

                Мегадоцург цадайта г1урш бу нах цига,
                Хьекъалдолчо даладан цхьа шира кица,
                Йохьен дашо шайн юьхь яйта,
                Дов-герз ле1о къамел дайта.

                Сонтачуьнан «ас-со» кхочу, амма, юкъа,
                Гергарлон дукъ ийа волчун валлалц мукъа,
                Цунах долий царна зулам,
                Чуччахьоду тайпа-тукхам.

                Зударий хьовду деле кхайкхамашца белха.
                Бераш довлу довхойн гуонийн ларех лелха.
                Вог1у цига юьртан къеда,
                Волу иза дегнаш ледан.

                Делан дашах – лаьтте г1ончуьра са доьхий,
                Хьекхий лаьтта хоьций, бовлу г1илкхе нохчий:
                Динах ца вехачу къеданан
                Нийсха нисло некъе эвлан.


                @