Фидоийлик талаб килинадиган икки соха

     Мана рамазон ойининг хам ярмидан купи утди. Лайлатул кадр кечаси хам насиб килса тез кунларда руй беради. Лайлатул кадрнинг аломатидан бири ер юзининг барча жойида сепалаб ёмгир ёгиб утади. Хайрон коласан киши, шунчалик оддий хакикатни тан олмайдиганлар кишилар хам бор.
     Бу йилги Рамазон юртимизда гузал утяпти дегим келади-ю, иймонсиз кишиларнинг баъзи киликлари ушбу байрам ойининг файзини учираётганини хам куриб турибмиз...
Ха, майли, бугунги гап улар хакида эмас.
Менга бу ойда телевидениемизда энг ёккани, радиоларимизда хар куни одамларни яхшиликка чакирувчи диний уламоларнинг маърузалари айни «огиз очгач» дам олиш пайтида берилаётгани буляпти.
     Агар шу маърузаларнинг вакти доимо шу тахлитда колдирилиб, юртимиздаги иймонли кишилар, уларнинг фарзандлари билан булаётган хаётий вокеалар хакида «ИБРАТЛИ ВОКЕАЛАР» деган рукн очилса ва у хар куни 15-20 минут давомида йил давомида бериб борилса, айни муддао буларди.
     Масалан, кечаги маърузада бир диний олимимиз Куръондаги 39-Зумар сурасидаги 9-оятини айтиб утдилар:
9. Неужто тот, кто поклоняется в часы ночные,
Простершись ниц иль стоя (благовейно),
Для жизни будущей себя остерегает (от греха)
И чаянья свои на Бога возлагает?
Скажи: "Ужель пред Богом будут наравне:
Кто знает — с теми, кто неведущ?"
Лишь те, в ком разумение живет,
Предупреждение сие приемлют.
      Яъни, “билмайдиганлар билан, биладиганлар баробар булурми?” Хозирги кунда мамлакат, халк учун энг зарур кайси сохани ривожлантириш керак, деган савол кундаланг куйилса. Халкимиз учун иккита соха энг долзарб, фидокорона мехнат талаб киладиган сохани айтган булардим.
      Буларнинг биринчиси. Куёш, шамол, чикинди энергиясидан фойдаланиб, хар бир уй, хонадон учун автоном ускуна яратиб, уни арзон нархда халкка таркатиш саноатини тезда йулга куйиш. Бу ишнинг канчалик савоб эканини билсангиз эди. Ха, билмайдиганлар билан биладиганлар тенг булурми?
      Иккинчи соха спортни ривожлантиришга самимий, мехр-мухаббат билан ёндошиш. Спорт бу уша давлатнинг юзи-кузи, обру-эътибори булишидан ташкари, спортчилар учун моддий манфаатдорлик хам, ахолининг саломатлиги хам, элу-халкнинг хурсандчилиги хам ва яна канчадан канча савоб хам булиб кетди. Биладиганлар билан билмайдиганлар тенг булурми?
Мана шу кеча-кундузда бутун дунё ахли эътибори Лондонда булаётган 30-Олимпиада уйинларига каратилган.
      Давлатимиз рахбарининг спортга бераётган эътибори, ишончи суиистеъмол килиняпти.
Стадион десанг, ана стадион, коллеж десанг ана сенга бир неча Олимпия захиралари коллежлари, мусобака десанг, ёшларнинг уч боскичли спорт мусобакалари кайси мамлакатда бор?
      Лекин, козондаги нарса нега чумичга чикмаяпти? Натижа кани? Интернетни караб, кундан кун мамлакатимизнинг Олимпиадада тутган урни пасайиб боряпти.
Нега бундай буляпти? Сабабини айтайми? Биладиганлар билан билмайдиганлар тенгми?
Сабаби эса оддийгина, спортчиларни рухан тайёрлашда Совет тузуми иллатларидан воз кечолмаяпмиз!
      Совет спортида спортчиларни тайёрлашнинг учта унсури бор эди – спирт, сукиниш, секс.
      Арвидас Сабонис деган баскетболчи юлдуз бор. У уша 80 йиллар охирида яккама-якка сухбатда “спиртли ичимлик ичасизми?”-деган саволга, соддадиллик билан “спиртли ичимлик истеъмол килмайдиган спортчиларни мен билмайман” деб юборганди.
      Хозирам Россия футболида шундай экан: “– галаба килишса, хурсандчиликдан, маглубиятга учрашса хафачиликдан, дуранг уйнашса иложсизликдан” алкогол ичишар экан.
Бунинг илдизи Иккинчи жахон урушида ётибди. Совет харбий рахбарияти хужум олдидан аскарларга спирт таркатган ёки спирт берилгач хамма эртага хужумга утишларини тушунишган. Русларнинг спиртли ичимликни таргибот килмайдиган кинолари жуда кам.
     Бу илгаридан булган. Александр Македонский хужумдан олдин пиёз берган, Чингизхон чойнинг каймоги – чипр берган.
     Хозирги бизнинг спортчиларимиз курсатаётган натижаларни Амир Темур бобо билганида нима буларди?
     Хуш, Амир Темур хужумдан олдин аскарларини жангга кандай рухлантирганини биласизми?    
     Биладиганлар билан билмайдиганлар тенг буладими?  Билмасангиз айтиб куяй, у жангчиларининг мусулмонларига оммавий намоз укитган. Жангчилар орасидаги христианларга хам бутпарастларга хам ибодат килишни буюрган.
    Сукиниш, бу энди рус халкининг азалий урф-одати. Аммо, уларнинг диндорлари бундай иш юритмайдилар. Штанга кутариш буйича мусобака буляпти. Эронлик мураббий уз укувчисини куллаб-кувватлаб “Ё, Оллох” деб турибди, шогирди тошни кутаряпти. Бизнинг мураббий шогирди тошни куторолмагач русчалаб сукинди-ки рус тилини билган барча томошабин бу хакоратни эшитди.
    Секс деган унсурни ГДРлик спорт мураббийлари уйлаб топгандилар. Руслар унга хаваслари кетиб, огизларидан бол томиб, уз газеталаридан эълон килгандилар. Уларнинг айтишича, спорт мусобакасидан олдин шу ишни килган аёл спортчиларнинг иш кобилияти кутарилармиш. Мен бу иллат бизнинг спортимизда бор деб айтолмайман. Лекин, бу гояни кимки ёкласа, бекорларни бештасини айтибди.
    Биладиганлар билан билмайдиганлар тенг булурми? Галабани, демакки мартабани Аллох беради. Аллох эса такводорлар билан биргадир. Аллох сукинадиганларни хам, арокхурларни хам, зинокорларни хам севмайди.
    Агар спорт сохасидаги ишларимизда узимизнинг эътикодли, иймонли рахбарлар ва мураббийлар пайдо булмас экан, “козонимизда бор” кобилиятли, истеъдодли спортчиларимиз галабавий юриш килолмайдилар.