поэзия

***
Ўтган асрлардан келади садо,
Боболар маглублик конини ичмиш.
Эй Тангри овоз бер,
Сўйлагин Худо,
Туркнинг ухлагани хамон бир миш-миш.
Ёвкур боболарим ўтган эдику,
Бошларида кулох, кўллари кадок.
Огохлик унутиб хуш кўрди уйку,
Эрк кулохин ташлаб ўрашди салла.
Нахот турк ўзини унутган бўлса,
Нахот Энасойдан олмади хабар.
Алпомиш Барчиндан олмади бўса,
Нахот тахтга келди Охун дарбадар.
Баъзан кон кайнатар маглублик сана,
Онажон хак сўйлаб сен бергин хабар.
Ўриснинг аскари тепган саллани
Нега асраб кўймадинг она.
Баъзан синик килич таянч бўлади,
Магрур кад кўтариб турмокка яна.
Нега йиллар ўтиб менга аллани,
Ўта силлик килиб куйладинг она.
Она бу тупрокнинг энди мен гарди,
Мен сенинг калбингдан ўсган бир мужда,
Мукаддас ватаннинг энди хар дарди
Бугун менинг дардим, инонгин она.
Осмон тиник келди туркнинг тўйига,
Уларнинг анчаси озоддир бугун.
Душман ўйлаб етмас ўзин ўйига,
Бугун бирикмокда хур туркий будун.
Олчок фикрлардан кутуламиз тез,
Ватанни ягона туркий атаймиз.
киргизнинг калпоги ўзбек белбоги,
Ёкут, гагаузга бўлади мадад.
Мен улар бирлигин куйламок бўлдим,
Онажон биламан, сен менга хамдард.
Майли, истонлардан кечмайлик, майли,
Ягона Туронга кўтарайлик туг.
Келажак биздадир бирлик туфайли,
Олга, онажоним, келажак кутлуг.
02.09.12