Бу боз ренгли коклер
Мени сарып къала,
Тумангъа чевирилип
Гонълюмни ала.
Туман, ал джанымны,
Туман, бакъ рухума,
Энъ севген сыфатынъны
Кельтирчи уйкъума.
Не бахтым, не гъамымдыр
Юрегимден сора,
Ель олып чевремде
Эсип уфюр, бора.
Унуттыр аятымны,
Инсан олгъанымны.
Къуш олып учгъайым мен
Тапым йолларымы
Кокте. Бир йылдызгъа мен
Якъын келип селям
Берим де апансыздан
Бу йылдызнынъ келямы
Эшитилсин. Серхедсиз
Къарадыр бу феза,
Дуйылыр кяинатта
Ерге къойгъан джеза –
Сонуны бильмейип,
Сонындан пек къоркъып,
Орбитасына багълы
Тез суратнен учып,
Ич бирге дост олмайып,
Ве далып кедерге
Кенди арекетини
Девам эттирмеге.
Еримизге бахышла
Дешет келеята,
Ят фелек арасында
Кунешимиз ята.
Силь, туман, сихрлигинъни,
Олсанъ да тылсымынъ,
Ондан ич шей де билим,
Сырлы къалсын сырынъ.
12.04.2013.
Тумангъа
© Copyright: Лала Мубаракши, 2013
Свидетельство о публикации №213041301553
Свидетельство о публикации №213041301553
Рецензии