На мяжы
Усе людзі добрыя. Нават калі яны думаюць інакш. Калісьці Курт Вонегут пісаў, што ў яго творчасці няма злачынцаў – такі ён чалавек. Я нездарма ўзгадаў гэтага пісьменніка, мой аповяд шмат чым перасякаецца з яго апавяданнем “God Bless you, dr. Kevorkian”. Можна нават назваць маё гэтае апавяданне плагіятам.
Усе людзі добрыя. Гэта факт. Кожны чалавек з радасцю вам дапаможа.
Добрыя людзі вырашылі, што мне трэба дапамагчы выправіцца на той свет. І дапамаглі. Аднак іншыя добрыя людзі вырашылі, што мне няма чаго там рабіць, таму вярнулі мяне дадому… Так я ўпершыню апынуўся перад Брамаю Раю…
Прайшоўшы па светлавому тунэлю (ужо не ведаю, ці ўплыў апавядання Вонегута, ці ўсё існуе насамрэч), я апынуўся перад Брамаю сам-на-сам з Пятром.
- Што ты тут робіш? – здзіўлена спытаўся св. Пётр, - Твой час яшчэ не прыспеў. Але, калі хочаш, заходзь, - памякчэў ягоны голас.
- Не, дзякую, - адказаў я, ўспомніўшы расповяд Вонегута наконт характару св. Пятра.
- Шастаюць тут ўсялякія, - незадаволена прабубнеў св. Пётр, - пытанні людзям задаюць..
- Вы, выпадкам, не пра Курта Вонегута гаворыце?
- А пра каго ж яшчэ? Дастаў са сваімі інтэрв’ю…
І тут да мяне дайшло, што я ўжо доўга размаўляю, што мне трэба вяртацца.
- Прыемна было паразмаўляць, да сустрэчы, - развітаўся я.
- Канешне, мы яшчэ ўбачымся, - усміхнуўся св. Пётр мне ў спіну.
У Вонегута шмат прыхільнікаў, у тым ліку і сярод урачоў. Таму знайсці аднадумцаў мне было няцяжка. Канешне, я адпраўляўся ў сваё падарожжа не з такога брутальнага пункту, як Курт. Я ляжаў у чыстай акуратнай аперацыйнай пад наглядам аднадумцаў, дзякуй ім вялікі за падтрымку і сціпласць – яны не патрабавалі ад мяне сустрэчы са сваімі кумірамі…
Убачыўшы мяне ізноў св. Пётр толькі пахітаў галавою:
- Любіце вы, людзі, паўтараць вар’яцкія дзеянні…
Але Іуду Іскарыёт запрасіў. Хоць у Іуды і быў графік распісаны на стагоддзі наперад, ён згадзіўся паразмаўляць са мною.
- Я сказаў Езусу аб сваёй здрадзе перад вячэраю, - сказаў Іуда. – Мне было страшна і сорамна перад ім. І Езус адказаў: “Ты зрабіў, што павінен быў зрабіць. Ты зарабіў сабе вечную памяць у душах людзей.” Але мне было цяжка. Я не змог глядзець на сябра, які ціха паміраў на маіх вачах праз мяне… І я не вытрымаў…
Як пісаў Вонегут: з вамі спецыяльны карэспандэнт на тым свеце.
Наступная сустрэча з Адольфам Гітлерам.
- Я ўжо прасіў прабачэння за свае дзеянні, Курт перадаў яго, - пачаў Адольф. - Я быў апантаны ідэяй, таму лічыў, што мэта апраўдвае сродкі… Я памыляўся… калі я зразумеў сваю памылку, было ўжо позна – махавік крывавай Сусветнай вайны ўжо нельга было спыніць… А я толькі хацеў зрабіць людзей шчаслівымі… Даруйце…
- А што вы скажаце пра Галакост, які пачаўся яшчэ да вайны з вашага ведама?
- Габрэйскае пытанне на той час было палітычнаю картай. Жыдоў ненавідзелі большасць жыхароў Германіі. Я не здолеў бы пазбегнуць пагромаў пры ўсім сваім жаданні – супраць стыхіі чалавек бяссільны… Я паспрабаваў даць шанец габрэям уцячы з краіны ў 36-ым годзе, але іх ніхто не захацеў прымаць. Ім няма куды было ўцякаць… Вы ж ведаеце, што жыдоў ніхто не любіць і зараз, як і цыган… Вы думаеце, я ня ведаў пра махінацыі таго ж Шындлера? Ведаў і не перашкаджаў… Галакост – стыхійны рух, які дапамог мне прыйсці да ўлады, і які я не змог бы ўжо спыніць, пры ўсіх намаганнях… Няма бязгрэшных людзей – адзінае, што я магу сказаць у сваё апраўданне…
Я спытаўся ў Гітлера пра вайну з СССР і план ОСТ.
- У мяне не было выбару, - адказаў Гітер. – Чэрчыль адмаўяўся нават чуць пра мірную дамову, а Сталін ужо гатовы быў напасці. У Германіі ўжо не ставала рэсурсаў – мы не маглі весці вайну на змор, мы б прайгралі яе вельмі хутка, і мы б не стрымалі наступ Чырвонай арміі. Камуністы б прайшліся па Еўропе вогненным смерчам, пакінуўшы пасля сябе пустэльню. Адзіная мая надзея была на нечаканасць, але мы згубілі час на Крытскую авантуру. Наконт плана ОСТ, няўжо вы думаеце, што ў нас хапіла б чалавечых рэсурсаў апрацаваць такія тэрыторыі? Я збіраўся пакінуць таварыша Сталіна кіраваць дамініёнам Трэцяга Рэйху на тэрыторыях СССР. Дарэчы, як мінімум паову нашых “зверстваў” на ўсходнім фронце можаце смела спісваць на рускіх.Вы ж беларус? – спытаўся Гілер ў мяне. – Вы, беларусы доўгі час змагаліся з маскалямі, таму вы лепш за ўсіх ведаеце, што яны не літуюць ні сябе, ні ворагаў… Пекла існуе – і яно знаходзіцца на ўсходнім фронце...
“…я толькі хацеў зрабіць людзей шчаслівымі…”, - тое ж сказаў і Сталін, і шмат іншых крывавых тыранаў мінуўшчыны. І ўсе яны шчыра прасілі даравання…
Дарэчы, Сталін яшчэ сказаў, што ён спадзяваўся апярэдзіць Гітлера і прынесці шчасце і квітненне пралетарыяту Еўропы. Гітлер апярэдзіў яго на два тыдні…
- Ты ўжо дастаў лётаць туды-сюды, - незадаволена кінуў св. Пётр. – У наступны раз не адпушчу назад.
І ён запрасіў на размову Фрэддзі Меркуры. Я спытаўся ў яго, як ён адносіцца да таго, што апошнім часам гомасэксуалісты актывізіраваліся ў змаганні за свае правы.
- Ты гамафоб? – спытаўся ён.
- Не, - пачаў апраўдвацца я. – Я толькі думаю, што чалавек не павінен хваліцца сваімі сэксуальнымі перавагамі, а павінен зарабляць сабе імя сваімі здольнасцямі, ўсё-ткі каханне і сэкс - інтымнае…
- Ты гамафоб, - канстатаваў Фрэддзі. - Мы, людзі ў Раі, ўмеем бачыць вашыя, смяротных, душы, нам нельга схлусіць… Але ты – вынік выхавання на поглядах свайго часу і свайго акружэння, чаго з цябе ўзяць? Я ведаю, як цяжка застацца самім сабою… А вось наконт таго, што каханне – інтымнае, сакрэтнае, для кожнага чалавека асабістае – тут я згодны… - У мяне такое пытанне, - я вырашыў змяніць тэму, - як вы думаеце, чаму найвыдатнейшую песню “The show must go on”, дагэтуль не могуць нават перапець добра, не тое, што паўтарыць.
- Мне здаецца, што трэба разумець, - Фрэддзі выдзяліў “разумець” інтанацыяй, - што ты паміраеш – і хутка памрэш, што ты страціш усё што любіш, але спадзявацца… я ж тады не ведаў пра гэты свет.
- Перадай жывым, - сказаў Фрэддзі, - шчасце ў каханні. Жывіце кожны дзень, як апошні. Рабіце тое, што падабаецца. Не здраджвайце каханню…
Ваш Юрась Братчык карэспандэнт з таго свету…
Свидетельство о публикации №213081701933