Вочы у скрыначцы -пераклад з русскай мовы-

Я выну из глазниц своих бездонных
Два тёплых шарика,
Как небо голубые...
На ваточку на мягкую пристрою
В коробочке картонной небогатой.

Барамунда. ГЛАЗА В КОРОБОЧКЕ
http://www.proza.ru/2013/07/24/445
___________________________________

   Дастану я з вачніц сваіх бяздонных
   Два цёплых камячка,
   Блакітных, быццам неба,
   На ватку іх, на мяккую прыладжу
   У скрыначцы картоннай небагатай.
   Двух галубкоў маіх,
   Дурных, бяздомных, хворых,
   Складу я ў скрынку з шэрага картону,
   Так, з шэрага картону. Без лухты.
   Твой адрас намалюю справа зверху,
   Разбітых вуснаў прыкладу пячатку,
   Бо мне
   На марку грошай не хапае
   Да скрыначкі з картону, небагатай.
   Два маіх вочка, хворых, непрытульных...
   Я аднясу блакітных галубочкаў
   На пошту – у той скрыначцы з картону,
   Так, з шэрага картону. Без лухты.
   І ў хуткасці ты атрымаеш вестку
   І гэты шэры скрутак
   Разам з ёй,
   Каб упрыгожыць зноў магла каралі,
   Чарговай парай пацеркаў-вачэй –
   Двух галубкоў маіх
   Дурных, бяздомных, хворых,
   У скрыначцы з паўторнага картону.
   Так, з шэрага картону. Без лухты.