Дашах дош
- Воьдуш-вогIуш шиъ хIума карор ду хьуна, хьо бIаьргана бIаьрзе вацахь, лергана къора а вацахь. Бакъду, шиъ хIума довр ду хьан, хьо къора а валахь, бIаьрзе а валахь.
КIант а воккха хилла, къан а веллера, цхьана дийнахь цхьа сурт а гина, шен дас дийцинарг цIена бакъдерг дуьйла хиъча.
ГIали юккъахь автобусе хьоьжуш лаьтташ нах бара дуккха а.
Юьстахуо хоьттина лаьттачу воккхачу стагана ма яггIара тIе а еана, де дика деш ца деш, воккхачу стаге хотту йоIа:
- Ваши, тахана долчу суьртах лаьцна хIун эра дара ахьа?, алахьа хьайна хетарг, - аьлла, чехкка микрофон хьалха а кховдош.
Цу къануочо дикка аренаш цистаний хиира хиттана лаьттачу нахана, воккхачу стага хаттарна жоп делча:
- «Оьцур ду дешнаш! Духкар ду дешнаш!»
Детташа хезаш ду маьI-маьIнехь цIогIанаш…
Жиманиг, воккханиг дIахьаьдда базара,
Сихонца терзана кхисса шайн могIанаш.
Терзанахь дешнаш ду маьхза дIадухкуш…
IуьтIа, харданга, бежло а меххехь ву! Схьа да!
«Мах бацахь дош а дац!» - цхьаммуо схьабоха,
Йоьхьа доьхьала схьа, ца хеташ эхь.
Хьайн ала дош далахь даггара, доттагIа,
Ма хьолахьа терзане сихвелла ахь!
Лардеш, дIадиллий, даккхалахь кхане,
Йийр ю хьан кханенехь тIаьхьено яхь!
ЦIийелла латтара йоI, микрофон дIаяккха ца хуттуш, дийнахь сарралца баьжна цIа беана сту санна, сегIаз Iуьйшуш кинокамерца болх беш цуьнан накъост а валлара, йоккха топ иккхича санна сила а долу адам цхьанаметта дела а делла, т1араш тоьхча!
- ЭхI! Дела реза хуьлда хьуна! Дела а доьхьа ма шен меттара элира ахьа и дош! – элира воккхачу стега хенарачу цхьамма.
Ша дIадиллича санна, чехка цуьнан агIор а хьаьжна, воккхачу стага элира:
- Дош дош ду хьуна, сан ваша, и дош далахь! ВаллахIи-биллахIи! – дош а дош ма дац хьуна, и дош дацахь!
- Дуьло, вай ахтобаз а схьаеъна! – аьлла автобусехьа ког баькхира воккхачу стага.
Свидетельство о публикации №214012101686