Дзиледзи
Сон
2 траўня 2014 года
Паднімаюся па ўсходах у пад'ездзе. Даганяе мяне Сашкін прыяцель і пытаецца:
- Саша дома?
- Напэўна, дома, - адказваю. І пайшоў ён за мной следам.
Пхаю кватэрныя дзверы - і яны адчыніліся. Забыўся зачыніць! А ў пярэднім пакоі стаяць двое, абняўшыся, і размаўляюць шэптам.
Паціху зачыніла я дзверы зваротна, і пачула як пстрыкнуў замок. Апамяталіся…
Ніякавата мне было, што вярнулася дадому ў няўрочны час. Стаю, чакаю, калі ўпусцяць. А прыяцель кудысьці знік…
…Імгненне прайшло ці вечнасць, але дзверы ачыніліся, дзяўчына выслізнула з кватэры і хутка ўцякла. А я зайшла.
- Яна мне вось што падарыла, і вось, і вось… - паказвае Сашка нейкія імпартныя прадметы.
"Цудоўная дзяўчына" - падумала я, і ўслых сказала:
- Пайду яе сустрэну…
І пайшла праз нейкую доўгую залу з калонамі і лаўкамі ўздоўж сцяжынкі, а ў канцы залы сустрэла дзяўчыну.
І пайшлі назад мы разам, яна крыху наперадзе, а я - за ёй.
На ёй доўгая, ярка блакітная сукенка з пышнай спадніцай і шырокімі рукавамі. І ярка блакітны капялюшык чэпчыкам з брылём, як у чэхаўскай гераіні.
- Як цябе клічуць? - спытала я.
- Дзіледзі, - адказала дзяўчына.
… Дзіледзі, Мілэдзі, лэдзі…
- Я буду клікаць цябе проста Лэдзі…
- Не трэба, так мяне ў трэцім класе дражнілі…
" Цудоўная дзяўчына" - ізноў падумала я…
Свидетельство о публикации №214050601118
удачи Вам в творчестве
с уважением Олег
Олег Устинов 06.05.2014 18:50 Заявить о нарушении