Навагодняе
Непераможная прырода –
Зямліцы дбайны гаспадар!
Праз радасці і праз нягоды –
Жыцця гартае каляндар.
...Хай кожны дзень лістом кляновым
У “заўтра” шчасцем упадзе!
Каб не хапіла ў Годзе Новым
Ліста ні гору ні бядзе!
Наш родны край у ёлачнай красе,
А будучыня бачыцца наперад.
Нам Дзед Мароз дарункі прынясе,
Бо не пустым быў нашай працы “невад”.
Мы сядзем не за казачны абрус –
Нам кожны дзень для нас ужо не казка!
...Віншуе ўсе народы Беларусь:
- Заходзьце, заязджайце, калі ласка!!!
27.10.2008 год
Навагодняе
© Copyright: Вацлав Хадосевич, 2014
Свидетельство о публикации №214050800450
Свидетельство о публикации №214050800450
Рецензии
