Роднаму краю
Люблю цябе блакітным і зялёным.
Я радуюся подыхам зямлі,
Калі жаўрук абудзіць поле звонам
І першы бусел пройдзе па раллі.
Калі снягі чаромхі, ранніх вішань
Абдымуць салаўя празрысты свіст,
Калі арэхаў рудзенькі спарышнік
Хаваецца ад дожджыка пад ліст.
Люблю зімою белыя завеі,
Тваё дыханне я сваім лаўлю.
...Прабач, мне, Родны Край, што не умею
Любіць цябе адданей, як люблю
1970
Роднаму краю
© Copyright: Вацлав Хадосевич, 2014
Свидетельство о публикации №214051301578
Свидетельство о публикации №214051301578
Рецензии