голка
Збіраючыся на лён, Агустыніха выявіла, што кішэнь фартуха знізу распаролася, і ўтварылася дзюра з кулак велічынёй. Зашываць не было часу. Агустыніха замацавала дзюру вялікай іголкай-шыршаткай, без ніткі. І склала ў адрамантаваную кішэнь сабойку.
Паўдня працавала Агустыніха на лёне, не разгінаючыся. А калі разагнулася, адчула, што ў жывот штосьці кальнула, і адначасова яе сабойка высыпалася на зямлю.
- Ай-я-яй! - сказала Агустыніха, - А дзе іголка?
І пабегла яна, як была, у фартуху, у Кардон, у медпункт, іголку з жывата даставаць.
Чатыры кіламетры бегла без прыпынку. Прыбягае і крычыць:
- Доктар, ратуйце!...
…- Ці ёсць у цябе мазгі? - спытаў доктар, дастаючы магнітам іголку….
Свидетельство о публикации №214061000635