Татавы рукі
Далоні вялікія, шырокія, пакрытыя сеткай маршчынак, цёмна-карычневыя, з вечнымі мазалямі, цудоўныя мужчынскія рукі, надзейныя.
Гэтыя рукі пабудавалі дом і склалі печку, выгадавалі сад і пяць дзяцей.
Гэтыя рукі майстравалі прыгожую мэблю, капалі студні, рамантавалі сантэхніку і абутак, стрыглі валасы.
Гэтыя рукі маглі сабраць і разабраць экскаватар, на якім тата ўсё жыццё працаваў.
Гэтыя рукі насілі нас на руках, калі мы былі маленькія, і лячылі нас, калі мы хварэлі. Не памятаю, каб да нас хоць раз выклікалі лекара.
Дзіўныя рукі. Колькі гадоў жыву, але такіх рук больш ні ў каго не сустракала…
Татавы руки
© Copyright: Варужка Яешня-Тутошня, 2014
Свидетельство о публикации №214061200666
Свидетельство о публикации №214061200666
Рецензии
