Гэта не твая сястра?

Гэта не твая сястра?

  У маіх аднакласнікаў настаўнікі перыядычна пыталіся:
  - Гэта, выпадкова, не твая сястра (твой брат) вучыцца ў класе …?
  А мне ні разу такога пытання не задавалі. Як быццам у мяне няма ні сясцёр ні братоў. А я так жадала, каб мяне спыталі пра гэта. І я тады б ганарліва адказала:
  - Так, Ліля мая сястра! Так, Аня мая сястра…
  Не пыталіся, крыўдна.

  Праз гады Лілька мне сказала:
  - Я заўсёды крыўдзілася, калі настаўнікі мяне пыталі: "Гэта выпадкова не твая сястра, якая…?". І ўспрымала гэта, як быццам яны лічаць цябе больш здольнай вучаніцай. А я - усяго толькі твая сястра…

  І не пытаюць - крыўдна. І пытаюць - крыўдна. Ніяк нам не дагодзіш.

  Мяне неяк настаўніца па гісторыі Марыя Антонаўна спытала:
  - Гэта не твой сваяк, лётчык, які ўдзельнічаў у абароне Масквы?
  - Не, што вы, проста аднафамілец, - адказала я.
  А пазней пазнала, што гэта татаў брат родны.