Мусик на беларускай мове
У пад'ездзе Сашка з Лёшкам убачылі маленечкага чорнага кацяня, худога, бруднага і галоднага. Калі яны даведаліся, што гаспадары гэтага кацяняці - сям'я алкаголікаў, Сашка заплаціў ім рубель, і прынёс кацяня дахаты.
- Гэта котачка, - растлумачыў ён мне, - і мы назвалі яе Мусяй.
- Гэта не Муся, а Мусік, - паправіла я.
Здавалася, быццам Мусік займаўся урынатэрапіяй, і кожны дзень прымаў адпаведныя ванны. Ён быў такі маленечкі, што змяшчаўся ў мяне на далоні.
Пасля таго, як я яго вымыла, і поўсць яго высахла, ён стаў дзівоснага цёмна-карычневага колеру з залацістым адлівам. У цемры ён здаваўся чорным.
Увесь першы вечар знаходжання Мусіка ў нашым доме я трымала яго на каленах, ён высыхаў загорнуты ў ручнік, а ў кватэры было досыць холадна. Васька прыняў Мусіка добразычліва, Васька, наогул, добры кот.
І Мусік стаў жыць у мяне на каленах, калі я была дома. Калі мне трэба было штосьці рабіць, я перасаджвала яго на плячо.
Мусік падрос. Зараз, калі я вярталася дахаты, Мусік сустракаў мяне ля дзвярэй, хутка караскаўся на мяне, як на дрэва і ўсаджваўся на плячы.
Сашкіны прыяцелі далі яму мянушку - Мелкі.
- Які твой Мелкі шкодны, - казалі яны. Кот і на іх спрабаваў забрацца, як на дрэва. Ён, напэўна лічыў, што людзі для таго і існуюць, каб на іх залазіць.
Свидетельство о публикации №214072100879