Стаць другим Берлиёзам
…Лета. Ранняя раніца. Я пешшу іду на працу.
Спынілася на скрыжаванні перад чырвоным святлафорам.
"А вакол ні машын ні людзей…", і трамваяў таксама не відаць…
Падышоў малады чалавек з гітарай у чахле праз плячо і пытае:
- Чаму не ідзяце? Трамваяў няма.
- Не жадаю быць другім Берліёзам, - адказваю я.
- Пры чым тут Берліёз? - дзівіцца малады чалавек.
"Не чытаў Булгакава, - падумала я. - І нават фільм не глядзеў…"
Малады чалавек пайшоў праз дарогу, і я, дачакаўшыся зялёнае святло, таксама пайшла…
…Праз год. Ізноў на тым скрыжаванні. Гляджу: няма трамваяў і пайшла я на чырвонае святло.
Абганяе мяне малады чалавек з гітарай у чахле праз плячо. Абарачваецца і весела пытае:
- Жадаеце стаць другім Берліёзам?
"Пры чым тут кампазітар?" - падумала я…
Свидетельство о публикации №214072401414