Маленькия недарэчнасци
Толькі дастала з ячкі ў "Еўраопце" пакет, як нейкі малады чалавек сунуў у гэту ж ячку свой заплечнік, зачыніў ячку на ключ, і памчаўся з ключом у нетры крамы, а з-пад дзверцаў ячкі засталася тырчаць шлейка ад яго заплечніка, нагадваючы пра яго паспешнасць.
Паскладаўшы ў пакет набытыя прадукты, я ўспомніла, што ў ячцы застаўся яшчэ адзін мой пакет. Разгледзець гэтага маладога чалавека я не паспела, так што бегчы і адшукваць яго ў краме з лямантам: "Аддайце мой пакет!" не магла.
Засталося толькі цярпліва чакаць.
Стаю і думаю: а, раптам, не было ў мяне другога пакета? Раптам, я яго на працы забылася, а не ў ячцы? Тады дарма чакаю. Але, дачакацца ўсёткі варта. А, раптам, усёткі, у ячцы…
Няма ніякага задавальнення чакаць кагосьці нявызначаны час. Здаецца, час цягнецца бясконца. А тут яшчэ чакаеш невядома каго. Я толькі ведаю, што ён павінен адкрыць семдзесят другую ячку.
…Я яго не пазнала, але ён мяне чамусьці пазнаў, і пытальна паглядзеў, калі прыйшоў за сваім заплечнікам.
- За вашым заплечнікам мой пакет застаўся, - кажу я, хоць не ўпэўнена, ці так гэта.
Калі ён выцягнуў свой заплечнік, я зазірнула ў ячку і выцягнула адтуль свой бяздольны пакет.
Ён вельмі здзівіўся і сказаў:
- Прашу прабачэння.
Я таксама здзівілася і ўзрадавалася, што нездарма чакала, што пакет, сапраўды, тут, і сказала:
- Нічога страшнага…
Свидетельство о публикации №214072800473
- Прашу прабачэння.
Я таксама здзівілася і ўзрадавалася, што нездарма чакала, што пакет, сапраўды, тут, і сказала:
- Нічога страшнага…"
Амиля Тарасёнская 29.12.2014 16:56 Заявить о нарушении