Наведванне Канаева
29.08.2012
"ВЕК* мой, зверь мой, кто сумеет
Заглянуть в твои зрачки..."
Осип Мандельштам
Быў у нас Канаеў, з візітам. Я яго ўпершыню бачыла. І то патыліцай. Да гэтага ён адзін раз мне прысніўся, але я не памятаю, падобны на рэальнага ці не. У сне я да яго не прыглядалася. Ды і наяве таксама не прыглядалася. Не вельмі добра патыліцай прыгледзішся.
І сядзелі яны ў мяне за спіной, Канаеў і Генадзь Мікалаевіч, і абмяркоўвалі ўсякія жалязякі і таймеры…
А потым Канаеў кудысьці зваліў, пакінуўшы ў нас дыпламат. А тут набліжаецца час абеду.
А Генадзь Мікалаевіч у мяне і пытаецца:
- Ты на абед ідзеш?
Я на абед амаль ніколі не хаджу. А сёння збіралася схадзіць: за эксплуатацыю запальніцы трэба было заплаціць. Але, зірнуўшы на дыпламат, сказала:
- Ідзіце, я не пайду, дачакаюся Канаева…
…І Канаеў прыйшоў, і разгаварыліся мы з ім, і сказала я:
- …Калі б усё гэта рабілася ў нармальнай арганізацыі, а не на нашым балоце… начальства наша страціла давер… зарплата маленькая…
Як загарэліся вочы ў Канаева пасля такіх маіх гаворак і стаў ён падобны на Бацьку. І загаварыў ён гнеўна, як Бацька…
"Ну, фанатык" - падумала я, і павярнулася да яго спіной, каб не бачыў ён маёй маўклівай істэрыкі…
…А ён яшчэ шмат чаго казаў мне ў спіну, але я не слухала яго: шум унутранага вадаспаду заглушаў яго словы…
І сышоў ён, сказаўшы на развітанне ўжо мяккім тонам:
- Я да сябе стаўлюся падобна…
Калі Генадзь Мікалаевіч прыйшоў з абеду, я яму паведаміла:
- Я з Канаевым палаялася…
- Так, - пажартаваў Генадзь Мікалаевіч, - значыць, засталося табе тут працаваць роўна год і чатыры месяцы…
…А ў кожным жарце, як вядома, ёсць частка праўды..
Паглядзім, хто каго даканае…
ВЕК* - Валерий Евгеньевич Канаев
Свидетельство о публикации №214072800478