Куды дзеуся гэты ваш...
- А куды дзеўся гэты ваш, маленькі і худзенькі, даўно я яго штосьці не бачыла… - спытала прыбіральніца Наташка, шустра варочаючы швабрай.
…З гэтым маленькім і худзенькім штосьці апошні час я занадта часта лаяцца стала па дробязях. То яму холадна, калі я праветрыванне пачынаю, то мяне раздражняюць яго гучныя гутаркі, то яшчэ якая-небудзь дробязная хрэнь…
…І пераехаў ад нас маленькі і худзенькі на пяты паверх, да Пятрова, хоць я яму пераканаўча раіла пераехаць на чацвёрты да Светы, а заадно і Косцю з сабой прыхапіць. Тады у нас тутака запануе ціша і мілата…
Але Косця нікуды пераязджаць не захацеў. А маленькі і худзенькі сказаў, што ён з Пятровым пра палітыку лаяцца не будзе, так што ўсё будзе ў парадку…
…І не паспела я рот адкрыць, каб паведаміць Наташцы, што маленькі і худзенькі зараз жыве на пятым паверсе, як Косця гучна сказаў:
- Ён зараз на мясакамбінаце працуе…
- Ах, бедны, бедны, як яму там, напэўна цяжка…, - забедавала Наташка.
- І яму там пятнаццаць мільёнаў плоцяць, - дадала я.
- І тыя мільёны не патрэбныя стануць, так ён бедны там намучыцца, - перажывала Наташка…
- І я б туды пайшла косці секчы, калі б мяне запрасілі, - дадала я, - за пятнаццаць мільёнаў згодна…
- Якія ў нас з табой сілы, - праенчыла Наташка.
- Нічога, - сказала я, - за такія грошы знайшла б і сілы…
***
…А маленькі і худзенькі праз пару гадзін казаў мне, усміхаючыся:
- Навошта ты ёй так хлусіла? Яна ж ад зайздрасці памрэ…
Свидетельство о публикации №214072800496