Сіметрыя
Заходжу ў сярэдні вагон электрычкі, каб не ехаць стоячы. Вольныя месцы былі, хоць і не вельмі шмат. Села на найблізкае.
Справа ад мяне малады чалавек засяроджана глядзіць на блакітны экран мабільніка і хутка, дзвюма рукамі, націскае кнопкі.
Злева ад мяне маладая дзяўчына таксама засяроджана глядзіць на блакітны экран мабільніка і хутка, дзвюма рукамі, націскае кнопкі.
А я ўселася паміж імі, дастала з торбы гаплік і ніткі і стала вязаць квадрацік.
Выдатна мы глядзімся з боку: два сучасных мабільніка і паміж імі - сярэднявяковы гаплік.
Сіметрыя хутка парушылася: дзяўчына схавала мабільнік і стала назіраць, як я вяжу.
Симетрыя
© Copyright: Ляксандра Зпад Барысава, 2014
Свидетельство о публикации №214073100604
Свидетельство о публикации №214073100604
Рецензии
