Чароунае ператварэнне
сон
Ля пад'езду, на лаўцы, грэліся на сонейку пенсіянеркі. А на другім канцы гэтай лаўкі сядзеў і дыхаў крыламі неверагодна вялікі матылёк: адно крыло больш пяці сантыметраў. А на кветніку кругамі бегаў нечы самастойны сабака, ловячы сябе за хвост.
Праходзячы міма, я спынілася, палюбавалася прыгожым матыльком, і пайшла адчыняць дзверы пад'езда.
Не паспела я яе адчыніць, як сабака праціснуўся ў шчыліну і пабег перада мной па прыступках.
"Ну, вось", - незадаволена падумала я. - "Зараз гэту сабаку я павінна адвесці… А я не ведаю, дзе яна жыве…"
Сабака спыніўся і азірнуўся:
- Вазьмі мяне за ланцужок, - сказаў ён.
Спачатку я адблытала ланчужок ад сабачых вушэй і лап, і сабака пацягнуў мяне па прыступках да ліфта.
- Хіба ты ведаеш, на які паверх ехаць? - спытала я ў сабакі.
- Не-а, - адказаў ён. Падумаў трохі, і пабег па ўсходах. Я за ім. Спыніўся побач з нейкай кватэрай і стаў чакаць.
Я націснула кнопку званка, потым чамусьці спалохалася і адступіла ў бок.
Тым часам паміж мной і сабакам прама з паветра матэрыялізаваліся дзве бабкі, з валасамі на галаве, акуратна закручанымі ў брыдкія гулі.
Дзверы адчыніліся. Сабака забег у кватэру, і адтуль прычуўся жаночы голас:
- Дзякуй!
- Калі ласка, - кінула праз плячо адна з бабак.
Дзверы зачыніліся.
Абураная самазванствам, я дзвюма рукамі ўчапілася ёй у гулю:
- Як смелі вы сказаць "калі ласка"? - сыкнула я як дзікая котка. - Прычым тут вы, наогул?
- Сказалі "дзякуй" - вось я і сказала "калі ласка", - ціха і нясмела прамармытала яна.
Я зласліва тузанула яе за гулю і адарвала.
- Вазьміце свае фальшывыя валасы, - сказала я і кінула ў яе гуляй.
Яна злавіла сваю гулю і кінула яе ў мяне зваротна.
Гуля стукнула мне па плячы і звалілася на падлогу.
І ў гэта імгненне старая бабка з адарванай гуляй ператварылася ў маладую прыгажуню з арыгінальнай стрыжкай.
Я прачнулася, раззлаваная такім вынікам.
Свидетельство о публикации №214080700552