Страшныя машыны

Страшныя машыны

 Сон

 Па дарозе ішла бесперапынная плынь машын, і кожная машына гула і драпежна ляскала зубастай пашчай, размешчанай непасрэдна над пярэднім бамперам.
 Валька выглядвала з-за кута і тужліва думала: "Як дадому дабрацца неўзаметку?"
 Потым, сагнуўшыся, яна схавалася за дэкаратыўныя кусты, якія раслі ўздоўж дарогі, прапаўзла трохі ля кустоў і залезла ў трубу, якая вяла амаль да яе дома. Гэту трубу адмыслова тут паклалі, каб людзі маглі хавацца ад машын.
 У трубе было ціха і бяспечна. Пакуль Валька паўзла па трубе, яна забыла пра існаванне машын. Таму выбраўшыся з процілеглага канца трубы, яна неасцярожна выпрасталася, і тут яе заўважыла выпадковая машына, якая празджала міма.
 І машына, з'ехаўшы з дарогі, накіравалася да Валькі, драпежна ляскаючы зубамі.
 Валька кінулася да свайго дому, машына - за ёй. Валька - у пад'езд, і машына таксама.
 Калі Валька ўбегла ў кватэру і схавалася ў спальні, яна ведала, што машына ўжо ўзломвае дзверы і таксама хутка будзе тут. І тады Валька залезла на этажэрку, на самую верхнюю паліцу, і схавала галаву ў кнізе. 
 Гэта было адзіным выратаваннем ад машыны.
 Схаваўшы галаву ў кнізе, Валька адразу патрапіла ў другі сон, дзе не было страшных машын.