Сабачки
Ў падземным пераходзе, недалёка ад Камароўскага рынка, стаяла жанчына, і перад ёй у скрынцы - чатыры рознакаляровых цацачных сабачкі брахалі-пішчалі і вілялі хвосцікамі.
Падышла да іх другая жанчына з сапраўднай сабачкай, балонкай.
Балонка падышла да сваіх штучных сяброў і стала іх асцярожна абнюхваць.
- Ну, выбірай любога - сказала ёй гаспадыня.
Балонка абнюхала ўсіх сабачак па чарзе, а потым падняла вочы і паглядзела на сваю гаспадыню з дакорам, як пакрыўджанае дзіця, якога жорстка ашукалі.
Свидетельство о публикации №214081200952