Там няма никога
Вяртаюся з універсама. Позна. Цёмна. Поруч дарожкі двое наязджаюць на трэцяга. А трэці адыходзіць, адмахваючыся кулакамі.
- Ты навошта ўчора даў мне ў х л я б а л а? - люта крычыць адзін з нападнікаў.
Мне стала страшна, і я стала хадзіць вакол іх кругамі, імкнучыся зазірнуць нападніку ў вочы.
А трэці, убачыўшы маю пасіўную падтрымку, падбадзёрыўся і пачаў баксаваць паветра:
- А, ну, давай па адным!...
А мінакі міма ідуць, як быццам нічога не бачаць.
- Ты навошта ўчора даў мне ў х л я б а л а? - яшчэ больш люта крычыць адзін з нападнікаў.
І тут я не вытрымала:
- Што вы робіце? Вось жа аддзяленне міліцыі!...
- Там нікога няма, - спакойным і некалькі стомленым голасам сказаў нападнік.
Я так была здзіўлена рэзкай зменай тону яго голасу, што роўненька пайшла дадому, па дарозе думаючы: а раптам таму і трэба даць? Чаго я ўкліньваюся?
Па дарозе я патузала ручку дзвярэй аддзялення. Дзверы былі зачынены.
Свидетельство о публикации №214091501179