Суд репортажи. Нотариус хам юристлигини унутманг..

    Шундай килиб Абдулбоки ака жиноят иши менинг аризам буйича кузгатилган деб юраверди. Айблов хулосасини олганидан сунггтина ариза унинг ракиблари томонидан берилганини адвокати тушунтириб бергач, билиб колди.
   Биринчи суд Жиноят ишлари буйича Мингбулок туман судида булиб утди.
Судья иш материалларини урганиб, тарафлар фикрини тинглаб, ички ишончи билан Абдулбоки аканинг айбдорлигига ишонмади.
   Чунки, суд жараёнига жабрланувчи – Умар Тошпулатов келмади.
Суд процессида катнашган жабрланувчи Умар Тошпулатовнинг укаси эса хакикатга тугри келмайдиган бир далилни келтирди.
   А.Шабаловнинг уйи Иркутск шахрида Абдулбоки ака 300.000 АКШ долларини    А.Шабаловдан накд олганмиш. Бу хакда шартнома бор.
  Аммо, Абдулбоки ака орадан бир неча кун утиб, Умар Тошпулатовнинг ошхонасида ундан яна 59.000 АКШ долларини яна накд олганмиш. Бу карзни олаётганда Куръон китобини уртага куйиб, яъни касам ичиб олганмиш.
  Очикдан-очик ушбу тухматдан сунг Абдулбоки аканинг нафаси ичига тушиб кетди.
–У, нималар деяпсан, -деди Абдулбоки аканинг адвокати, Россияда, яна тагин ошхонада Куръон Китоби? Уйлаб гапиряпсанми?
  Умар Тошпулатовнинг укаси бу гапдан сунг саросимага тушиб колди. Чунки, у ёлгон гапирётганди.
  Энди узингиз соглом аклга уйлаб куринг, Россиялик бизнесмен 300.000 доллар накд пулни бошка мамлакат фукаросига, келгуси йил хосили учун берадими? Майли 300.000 долларни берди дейлик. Хуп шартномаям тузилди. Нотариусдан тасдикланди, дейлик. Нотариус тарафларнинг иштирокидагина бирон-бир битимни расмийлаштиради-ку. Абдулбоки ака, хеч качон нотариусга бормаганлигини айтиб турибди. Энг кизиги Россияда 300.000 накд АКШ доллари билан кучада хавфсиз юриш мумкинми?    
   Сиз факат Узбекистонда халта-халта пул билан банк олдида (машина олиш учун) туришингиз, баъзида нотаниш шеригингизга "мен хожатга боргунча, манави халталарга караб туринг" деб кетоласиз. Сиз юртимизни Россия билан чалкаштирманг дегинг келади. Россиялик айрим золим фукаролар Чет эллик фукароларни, бизнесменларни алдов йули билан чакириб олиб, уларнинг чунтагидаги бор-будини олиб, узини улдириб юборишаётганини россияликларнинг узлари фильмларида курсатишяпти-ку.  Иккинчидан Абдулбоки ака Россиядан келтирган тахталарнинг пулини узим тулаганман, банк оркали тулов топширикномаларим бор,-деяпти, буларни кайта терговда куриб чикиб, 300.000 АКШ доллари бериш хакидаги шартномага хукукий бахо бериш керак.
   Шу сабабли судья  жиноят ишини кайта терговга юборди.
   Судьянинг ички туйгуси панд бермаганди. Бу шартнома калбаки эди. Ушбу шартноманинг калбакилигини уз ишига халол муносабатда булувчи Россиялик нотариус Баринова шафкатсизларча очиб ташлади. Аммо, судимиз эътиборсизлиги туфайли бу холатга эътибор бермаяпти. Хозирча.
   Келинг бу хакдаги гапларни журналист Шохрух Акбаровнинг Тузок номли хужжатли-детектив асарига берсак.