Жосусликка кетаётган жиянга

   Жиян, дуст мамлакатлар булади, аммо дуст жосус (разведка)лар булмайди. Сен жиянларим ичида энг кобилиятлисисан. Уйлайманки, миллатимиз томонидан берилган топширикни адо этоласан ва давлатимизга ёруг юз билан кайтиб келасан.
Жиян сен душман мамлакатга жосуслик килиш учун кетяпсан. Сенинг максадинг, уша мамлакат давлат тизимида ишловчиларни бизга яхши муносабатда булишини шакллантириш, бизга хайрихох буладиган рахбарларни куйиш.
Биринчи навбатда сенинг киладиган ишинг шу давлатдаги обру эътиборли кишиларни топ.
   Аникла!
   Улар нима хизматлари учун шу мамлакатда обру топишди?
   Обрули кишилар билан танишиш учун пулни аяма.
   Уйига борсанг кимматбахо совгаларни канда килма. Мабодо, оила аъзоларидан биронтаси моддий кийналаётган булса дархол унга ёрдам бер. Кунглини овла.
Агар мазкур обрули шахс турли-туман схемалар оркали, хуфёна моддий бой булгани туфайли уша мамлакатда обрули хисобланса, у билан купам апок-чакпок булиб ётма. Энг керакли вактда неча пул туришини узи айтади.
   Иккинчидан, у билан якинлигинг шу давлатдаги оддий халкнинг, норози кучларнинг жигига тегиши мумкин.
   Агар уша обрули шахс уз адолатлилиги, халоллиги билан обру топган булса уни обрусизлантиришдан бошка йул йук. Бундай одамларнинг камдан ками пулга сотилади. Аммо, халол мехнати, донолиги, хакикатпарварлиги, адолатлилиги билан обру топиб мансабда утирган шахсларни аяб утирма.
Уларнинг устидан турли игво ва тухматларни канча куп уюштирсанг, сенга фойдали булади. Давлат тизимида бутун масъулиятни уз зиммасига ололмайдиган, иродасиз, куркок, порахур одам канча куп булса, бизга шунча яхши. Давлат тизимини ишдан чикаришнинг энг зур йули порахурликдир.
Кейингиси давлат структураси – вагонини издан чикаришдир. Яъни, шу структурага узига мос булмаган вазифаларни юклайверсанг, уз устида ишламай структура рельсдан чикиб кетади.
   Мисол учун, математика укитувчисига тарихдан дарс беришни, мехнат учитувчисига химиядан дарс беришни юклаш, мактаб хамширасига физикадан дарс беришга эришиш. Карабсанки, издан чиккан механизм – вагонни уз рельсимизга жойлаб оламиз.
Учинчиси, давлатда хотиржамлик булмаслиги учун, одамларидаги халоватни йукотиш керак. Уларнинг буш вакти умуман булмасин. Кечаю-кундуз нима биландир банд булсин. Четга чикиб илгор мамлакатларнинг ютукларини курмасин. Узи бижгиб ётган кулмакни рохатижон деб уйласин!
   Масалан мажлис килаверсин. Кузини очиб, бошини кашишга йул тополмасин. Ходимлари мехнат таътилига чикмасин. Мияси гаранг булиб, ким нима деса ишонаверадиган, сал тепадан келган хар кандай буйрукни бажарадиган роботга ухшаб колсин.
   Хар бир мамлакатда ватанпарварлар булади. Улар айнан шу элнинг фарзандлари булиб, ватани, миллати учун худди сен каби уз жонини беришгаям тайёр.
Улар, уз давлат тили, миллий гурури, тарихий хотирасини тиклаш учун уринаётган кишилардир! Улар сен учун энг хавфли, уз навбатида муносиб душманлардир.
Кулингдан келганча уларни йукотишга харакат кил. Улдир демокчи эмасман. Гоявий жихатдан улдир!
   Уша миллатнинг тарихий асарлари чикишига каршилик кил.
   Узларининг ичидан ракиб топ, ушаларга карши кучларни моддий таъминлаб тур.
Миллий узлигини англаш, миллий хотирасини тиклаш буйича чоп этишга мулжалланаётган асарларнинг чикишига йул берма.
   Турли-туман рухсатномалар берувчи ташкилотлар туздир!
   У ердаги рахбарларни пора эвазига уз томонингга огдириб, миллатпарварлик гоясидаги эски асарларидаги жумлаларни учиртир, яшир, иложи булса чикартирма. Улар кимлигини унутсин. Шунда Геббельс айтганидек бу халк чорва хайвонига айланади, уни хохлаган томонингга бошкарсанг кетаверади.
Хозирча шу, жиян.
  Сенинг ватанпарварлик, миллатпарварлик йулида килишинг мумкин ишларингда муваффакиятлар тилайман!