Тамун инсан

Зун ара физ телевиденидин вышкадал чарасуз месэлаяр гьялиз физвай. Вышкада кьве операторди кIвалахзавай. Зун атай юкъуз Мегьаммеда дежурнавал ийизвай. РикIик квай кIвалахар са-садахъ авуна, чун, зун хутахдай машин къведалди, са гъвечIи ял ягъиз акъвазна.
-Валлагь дуст Мурад, мад вакай чуьнуьх тийидайди хъсан чизва, зи кьилел шаз атай аламатдикай, талгьана, завай акъвазаиз жедач.
-Ам на заз икьван чIавал ахъай тавуна, ви къене гьикI хвана, Сефи? Гьакьван интересни ятIа, ахъай кван.
-Лугьузни регъуьзва, талгьанани акъваз жезвач. Вазни чида, чна ийизвай кIвалах, сагъламвилиз зиян авайди. Жезмай кьван мукъаятвал ийизва, амма гьамиша кIандайвал алакьдач. Са-са арайра, рикIив кьун тавун патал, сад-кьве виш граммни хъвазва. Бязи арайра, а зегьримардиз кьадар авай затI туш кьван, артуханди хъун жезва. Суткадин са паюна дежурная з, кьилди авай вахтунда, ихтила-суьгьбет ийидай юлдашни галачирла, завай шуьше эрекь михьиз хъун хьана. Сменадиз къведалдини зак мехъерик хъвайидан градусар кумай.
-Ахпа? Аламат жедай вуч хьана? Вуна хъвазвайдакай виридаз хабар я.
-Хъвана са кьадар, закускани кIус авай кьван тIуьна, гьикI ятIани заз, кIвалахзавай кабинетдай акуна заз, са гьинай ятIани гум акъатзава. За кIвалахзавай чка саламатда аватIани, ам вуч гум ятIа чириз зун къецелди экъечIна. Кас авачиз, жув кьили авай кимяй, зан кабинетда, са трусикни майка алаз ацукьнавайди тир. Къецел кьуьд я, гьакI са вил ахъайна, хкведа лагьана, рак ахъайна, са кьве камунин анихъ фена. Садра акуна ваз, къецел алай къайи шагьварди, зун акай кабинетдин рак, вархъ авуна агална. «Яъ!» акъатна зай.
-Вучиз?!
-ГьикI вучиз? Ваз чизвачни, и зукьум хьайи эрекь хъванваз, зи рикIелай, рак акьал хьайитIа, ам ахъаюн патал куьлег шавлардин жибинда ама. Шавлар – кабинетда. Къеняй, рак акьалайла, агал жезвай синтI кьванни виниз авун зи хиялда хьанач.
-Ахпа?
--Ваз ван хьайиди тушни, ахпани кьий пакани, чан гъиляй-гъилиз. Зун жуван кабинетдикай магьрум хьана. Рак –ракьунди, зи беден – якIунди. Рак къецелай ахъайиз тежедайди чиз, зун, гьар гьи гьелледа хьайитIани къенез гьахь хъувун лазим тир. РакIаррани ракьун решеткаяр ава, амма са дакIарда, са гъвечIи фортошка ава, гена ам ахъазма. Зун, яргъал фагьумиз акъвазнач, Фортошкадай къезез гьахьунин геле хьана.
-Вун а тIалра куьз авай, хуьруьз хъфена, Гьажидивай куьлег вучиз вахчунач.
-Гьанихъни себеб авай. Кьве гьяфте тир, хъвайила, ваз зи хесет жизва, завай Гьажидин дамуна эцягъун хьана. Зунни ам, смена дегишардайлани сад-садав рахун тавуна, кьабулзавади тир. Гьа и фортошкадай хъфена, жуван кар ийида лагьана, зун са гуж-баладал, кьил тваз алахъна. Ятариз тади ганатIани кьил за туна, амма сакIани къуьнер фенач.
-Бес, кьил фейи тIеквендай, беденни фида лугьуда бязибуру.
-Абур махар я Мурад. Занни гьакI фагьумнай. Вучиз ятIани зу алахъ тавур къайда хьанач, фенач хьи, фенач, зегьримар къуьнер. Мад вучда? ГьакI акъваз жедач кьван. Зун, кьил тур форточкадай кьулухъ ахкъуд ийиз алахъна. Ламрахвадин кьил, Индустандин кIрец къениз фена, хъвех тIуьрдалай гуьгъуьниз дакIур кьифревай хьиз, завай ам кьулухъди акъудиз жезвач. Гъилериз куьс гуз, япаривайни гуьцIна, за, цIалцIам хьана,акъудун патал. Низ чида гьикьван вахт хьанатIа, япарни алашкар хьана, иви къвез, кьил за акъудна. МичIи чкада, япарай атай иви михьай гъилер чинвайни гуьцIзава за. Мекьини хьанва. Эхир ки, маса чара амукь тавур зун, къалин вала ратай чкадал фена, гел-пут кIватIна, агаж хьана, ацукьна. Жувазни хабар авачиз, зун ахвариз фена.
-Гьикьван гагьди? Вун мекьила кьеначни, залум?-гьарай акъатна Мурадай.
-Мад рахамир. Зазни чидач гьикI хьанатIа. Заз анжах, са вуж ятIани ракIарихъ атана, гатадай ван атана. Зун жував гумачир. Атайди зи сменщик тирди кьатIай за, са жуьреда, жув алай чка чириз, бегьемвилелди гаф-гафунихъ галкIур тежез, рахана. Гьажидиз, зи беден кIевирнавай пеше рва кьецIила жендек акурла, тамун итим хьиз хьана, гъилевай фу-яд авай сумкани гадарна, катиз башламишна.
-Адаз вун чир хьаначни? Вунани гила тапарарзава!
-Таб вучтинди я? Аллагьдин каламар вири къалумрай генди, за табзаватIа. Ругудни хьанвач, йиф кумаз, адаз и саягъда авай зун чир хьанач. Ам хъфена. КIвалевайбуруз, вичел тамун итим гьалтна лугьуз, зарзаз акъвазна. Са гьар гьеле жу кIевирнавай пеш-леш алудна, гуьгъуьниз гьикьван эверайтIани ван татай Гьажидин сумкадиз мукьва хьана. Гена хъсан хьана. МичIи чкадай сите гъил галукьайди, эрекь авай шуьше хьана. Тадиз ахъайна, жувак квай зурзун хкудун патал, са кьва хупI авуна. Чанда ифин гьат хъийиз башламишна. Фаз кIас яда лагьана тур гъиле, сумкадай куьлегъ жагъана. Фуни рикIелай алатна, зун ркьун рикIинал фена. Заз муьтIуьгъ тахьай ракьун рак, са тIуб кьван куьлегди ахъайна. Тадиз парталар алукI. Приборриз килигна, дуьз кIвалах ийизва. РикIиз регьят хьайила, амай кIвалахар вири са-садахъ авуна, жув адаетдин йикъаз хкана.
-Квел куьтягь хьана?
-Квел куьтягь жеда? Гьажи, кичIе хьана, са базардин йикъара месе гьатна. Гьадан патахъайни йиф-югъ за дежурнавал авуна.
-Бес на лагьаначни хьайивал?
-Ваъ. А кар залай алакьнач. Я абур зи чIалахъни жедачир. За специална адаз кичIерар ганвайдай кьадай.
-Эхир кве куьтягь хьана?
Адан хабардалди, адан юлдаш Пери вичин гадани галаз вышкадал атана. Салам-каламни тагана, ибур вуч кIвалахар я, кьей тавур стха? Итин чина авай рангар атIана хтанва. На адаз вуч авуна. Ви чинриз, япараиз вуч хьанва? Куьн чуьруьк-затI хьанвани?
-Я пере вах, чуьруькар вучтинбур я. Чун са гьяфтедин вилик, арадал затIни алачиз, хъвайила са гаф акъатнай лугьуз, ам закай хъелна, рахан тийиз хьана. Зи чинар кьацшанвани? лагьана за.
-АтIа гузгуьдай тамаш.
Гуьзгуь ни рикIе атана? Сумкада авай эрекь хъун хъувурла, зал атай дуьшуьш, япарай атай иви чинрив гуьцIунни рикIелай алатна.
-Я! Зегьримар хьайи эрекь хъун хьана, Къадиран мехъеркай хкведайла, кIвач цIуьдгъуьр, цIарай фена, валариз аватна. –ИкI лагьана, багьна авуна за. Йифиз кьилел атай кьиса ахъайнач за. Хъуьруьнриз аватда лагьана.
-Эхир квел куьтягь хьанатIа лугьузвач на,- лагьана за Мурадаз, бейкеф къайдада.
-Гьа икI, за лагьайвал, са гьяфтедилай ам кIвалахал хтана, хъел хьунни рикIелай алатна, чун мад меслят хъхьана. Я адавайни, чидай регъуьвиляй тиртIани, заз сир ачухиз хьанач. я завайни, чIалахъ тежез кичIела, кьилел атай дуьшуьш лугьуз хьанач. Амма са кар зи рикIелай фенач, жув къене патаз гьахьайла, за зегьримар синтI лугьудай затI ава, ам вич-вичиз агал тежедай къайда эцигиз хьана.
-Бес на заз икьван чIавалди лугьун тавур сир гила вучиз ачуна, я Мурад?
-А дуьшуьшдилай гуьгъуьниз, чидач хьайи кичIевиляй яни, я тахьайтIа и радиациядивай яна, факт что, Гьажи рагьметдиз фена. За гьакI хьайила, и кьве тIуб алай сивел капашдин дапIар эцигна. Гила Гьажидин сурал чIур акьалтнавайла, сакIани акъвазиз тахьана, за анжах тек са ваз я ахъагъайди. Минет я, вуна маса чкайрал ахъагъиз, и кардикай мах ийимир.
И ихтилатни сад хьиз акьалтIна, зун гваз хъфидай машинни атана. Чун Кьасумхуьруьхъ хтана.