Лениназ чар кхьей дагъви

   Чкадин гьакимрилай гзаф нарази тир Кьасумбеган ивидал звал атанвай кьван. Йикъарикай са юкъуз ада почтачиди вахкай гьафтедин газетда вуч хабарар аватlа килигзава. Гьасятда адан вил рангаралди акъудзавай «Дагъларин гьакъикъат» газетдин сифте чинал алай Ленинан еке шикилда ва «Ленинал чан алама, ам чахъ галама» тlвар алай гегьенш макъалада акьада. Макъаладин тlвар акуникди хвешивилихъ сергьят амукь тавур Кьасумбега, энгелвал тавуна, къелем кардик кутуна. Ада чlехи регьбер Лениназ са еке кагъаз кхьин кьетlна. Агакьда адан чар дуьм-дуьз Кремлдиз кьван.
   «Вун делиди яни, тахьайтlа чакай зарафатарзавани? Ленин кьейидалай кьулухъ тамам 50 йис алатнава, бейниван!», - ихьтин гафар авай жаваб хтана Кьасумбегаз.
   «Газетра кхьиз кlан хьайила Ленинал чан алама лагь, амма кесибдал гьалтайла ам кьенва. Кесиб фейи гьамамди мурк кьуна лугьур мисал керчекди я», - атlанхъай хтай жавабдин кагъазди пелеш ва ажугълу авур дагъвиди вичи-вичикди лагьана.