Чорнае сонца, чырвоная кроў –
Гарачая, лютая, злая любоў.
Гэта пачуцце каштую на смак –
Пякучае, крэпкае, быццам каньяк.
Гатова хоць зараз нанесці ўдар...
Я маю не сэрца, а вогненны шар;
Я маю не рукі, а крылы арла;
Я маю не позірк, а промні святла...
Чорная ноч і паходня ў руцэ,
Золата ў косах і кроў у малацэ...
Вакол галавы – паўночнае ззянне;
Ніякага жалю, сумненняў, пытанняў!
Я перад палётам набрала разбег...
Я больш не дзяўчына. Я – звышчалавек.
красавік 2010
Звышчалавек
© Copyright: Янина Пинчук, 2014
Свидетельство о публикации №214111400442
Свидетельство о публикации №214111400442
Рецензии
Проста цудоўна.) Асабліва моцна гучаць апошнія два радкі.
Александр Чепа 25.03.2016 21:35 • Заявить о нарушении
Александр Чепа 25.03.2016 21:35 • Заявить о нарушении
