Танкид керак, аммо шахсиятга тегадигани эмас

  Шамоллаш туфайли ун кун давомида уйда ётишга тугри келди. Телевизордан зерикиб кетдим десам хам булаверади. Кабель телевидениеси оркали асосан Россия телеканалларидаги табиат, хайвонот, тарихий –хужжатли фильмларни, курсатувларни курдим. Бир неча бадиий фильмлар, концерт дастурлари, 80-90 йиллардаги эстрада хонандалари чикишлари яна эски хотираларни ёдга солди. Аммо, иситма ва томок огриги юз фоизлик рохат олишга имкон бермади.
Вакти вакти билан узимизнинг каналларни хам куриб турдим.
Ижобий узгаришлар купаймокда.
  Тахлилий, танкидий фикрлар, мушохадалар, мантикий тугри хулосалар кузга ташланмокда. Асли биз узбеклар хар бир муаммога тугри хулоса бериш борасида етакчи халклардан биримиз. Аммо, бу жараён купчилик холларда яширинча булгани туфайли, нима ишлар килинаётгани куринмай коляпти.
Байрамолди бозорлардаги арзончилик машаккатли жараён оркали булгани куриниб турибди. 1,5 литрлик Кока-кола утган йили шу даврда ун минг сумгача чикиб кетувди. Бу йил 3500 сумгача тушди! Фантаям шу нархда булди.
   Яна нима? Супермаркетлар, Микро ва макро, Корзинка дуконлари ахолига том маънода байрам кайфиятини яратиб беришипти.
   Кискаси амалий, савоб ишлар купаймокда! Халкпарвар булмасам иложим йук дейдиган мансабдорлар купайсин.
   Тошкент каналида ДАН ходимлари ва машиналар тухташи мумкин булмаган жойга куйилган автоулов эгалари уртасида яхшигина тахлилий курсатув булди. Менга мухбир кизнинг мавзуга ёндашуви ёкди. Хуш бозор атрофида машина тухташ жойи булмаса, хайдовчилар машинасини каерга куйишлари керак?
Яъни, мухбир “юз фоиз давлат структураси хак” деган совет маъмурий буйрукбозлик акидасини синдиришга уриниб курмокда (куйиб берсангиз бу ишни килолади, менимча).
  Хакикатда, бозор ахоли учун, ахоли эса халк дегани. Агарда машиналар тухташ жойи булмаса, бозорда савдо булмайди, хуш бозор нима килиши керак, сотувчи, харидор, истеъмолчи ахоли нима килиши керак? Бу мухбирга мана шу муаммонинг илдизига етиб бориш вазифаси куйилганида бу ишни мухбир амаллайди, менимча.
Умуман кулайликлар яратаман дея, баъзи камчиликларга йул куяётганимиз хам бор гап. Иш бор жойда камчилик булади. Ана шу камчиликларни ечаётганда мухбирнинг вазифаси шу идора рахбарини ишдан олиш ёки жиноий жавобгарликка тортиш булмаслиги керак. Камчиликларнинг бартараф этилиши энг яхши натижа.
Корбобо ва коркиз кийимида сотувчиларниям курдим. Менга колса журналистга бозордаги раста оркасида утирган сотувчининг барчаси хизмат кийими кийишига эришишни вазифа килиб куярдим.
Бозор рахбарияти бу ишга масъул булиши керак. Албатта, кийим тоза булиши керак. Хар бир бозорда кеча-ю кундуз ишлаб турадиган кирхона булиши шарт.
Аравакашлар, фаррошлар, чек терувчиларнинг хам алохида формаси булиши шарт. Уларнинг хам кийимлари тоза, озода булиши шарт.
“Тез ердамга ёрдам” деган яна бир танкидий курсатув Биринчи каналдан берилиб колди. Бюджет томонидан берилган дориларнинг ишлатилмасдан, беморларнинг узи дори олиб келиб, уларни ёзнинг жазирамасида етарли температурада сакламаслиги ва хоказо тахлилий мушохадалар ва мантикий тугри хулосалар курсатув жозибасини оширди.
   Касалхонада чурра (грижа) касалига учраган боласини олиб ётган онаизорни курсатишди. Она магрурона, узбекча, кадрини ерга урмаган холда пули етарли булмасада боласининг инграганига чидаёлмай уни касалхонага олиб келганини, бир неча кундан буён иссик овкат емасдан, деярли оч утирганини билдирмасликка уринди.
   Шифокорларнинг таъмагирлик, маккорлик йулига утиб олганлиги фактлари аникланди.
   Агар мухбирга Сурхондарёнинг энг чеккасидан бошлаб нега улар шу йулга утди? Уларни шу йулга утишига нима мажбур киляпти? – деган саволларни куйсангиз, муаммолар ипини тортиб вилоят марказига, ундан эса Республика Марказига олиб келиб, сенсацион материал тахлаб беролади.
Мабодо курсатув телевидение оркали эфирга узатиб колинса-ю, уни Ота куриб колсалар борми, бир неча рахбарлар курсидан айрилиши тайин...
Шунинг учун барча тармок рахбарлари камчилик тилга олинган курсатувни иложи борича телевидениедан курсатмасликка тиш-тирноги билан каршилик килишади.
Менимча, материал архивга олинади (кулай вазият келганда журналист килган мехнати эфирга узатиб юборилади. Бу вазият юкоридан буйрук булиб келганда энг кулайи хисобланади) ёки мухбирга бошка бундай вазифа берилмайди. Энди буёги сиёсат булиб кетади.
Шу масаланинг бошка ечимлариям бор. Мен хукукий томонига тухталаман.
1. Согликни саклаш идоралари, касалхоналар махаллий бюджет оркали бошкарилиши, таъминланиши керак.
2. Туман согликни саклаш идораси рахбари туман халки томонидан сайланиши керак.
 Кискаси, туман Кенгашларида доимий штатда ишловчи депутатлар Кенгаши булиб, улар шундай хукукий механизмларни ишлаб чикилиши керакки барча учун ушбу тартиб коидалар макбул булиши керак.
                Бирон бир муаммоли вазият юзага келса, тарафларнинг низоси судда куриб чикилиши керак. Ха, айтмокчи бу йил маъмурий судьялар мансабини жорий килиш вакти келди менимча. Бу судьялар алохида конунга кура ташкил этилиб ёки судлар тугрисидаги конунга тегишли узгартишлар киритилиб, Коракалпогистон Республикаси, Вилоят, Тошкент шахар хокимлари томонидан тайинланадиган булишлари керак. Бу тажриба Америка Кушма Штатларида бор.
                Юртбошимизнинг табриклариям зур булди. Узбек халкига таъзим хакида фикрлар, менга ухшаган ижодкорларни янада илхомлантираверади.
                2015 йил, кадимги боболаримиз тили билан айтганда ислохотларнинг учинчи мучал боскичи йили бошланишидир.
                Биринчи цикл 12 йиллик 1991 йилдан 2003 йиллар хеч кимга тобе булмаган янги давлат ташкил этиш боскичи булди.
                Иккинчи 12 йиллик Конунчилик палатаси, Сенатни шакллантириш эвазига  Совет тоталитар – яхлит тизимини иккига булишга сарфланди.
                Эндиги боскич СУД ТИЗИМИ ривожига йуналтирилиши керак!
 Узбекистон ахолиси хар кандай муаммосини бевосита суд оркали ечиши мумкинлиги учун катта йул очиб берилиши керак.
            Суд хам, судьялар хам адолатли булиши учун барча имкониятлар яратилиб, улар факат конунга буйсунишлари лозимлиги амалда булиши лозим
            Бунинг биринчи шарти юртимиз тинч, атрофимиз хотиржам, Юртбошимиз сог, миллат учун чин маънода кайгурадиган инсонлар у кишига елкадош булиши керак.
           ОАВнинг роли бекиёс! Суд тизими ривожи деганда ОАВ эркинлиги хам инобатга олиниши шарт.
           Улар тахлилий, танкидий маколаларни купайтиришлари керак (айни шу ишни суд хам килади).Аммо, совет танкидий йуналиши керак эмас. Бировнинг иззат нафсига тегмайдиган танкидий ёндашув ва амалий фаровон турмуш шароитлари яратиш керак.