Першы гром
Голасам моцным, ціха i важна
Гром пракаціўся ўгары -
Луг адазваўся грому працяжна,
Лес адгукнуўся стары -
Гай страсянуўся, дрогнула поле,
Долы той гук паняслі -
Ў гэтым раскаце чуецца воля,
Чуецца радасць зямлі -
Ў грукаце гэтым многа ёсць сілы,
Чуецца моц i прастор -
- Першыя громы!
Сэрцу вы мілы,
Люб мне ваш смех паміж гор -
Міл майму сэрцу гоман далёкі,
Водгук вясёлы i шум -
Гром ты магутны, гром адзінокі!
Колькі ўскатурхаў ты дум!
Моцна мяне ты клічаш на волю —
Цяжка без волі мне тут -
Кланяйся, громе, роднаму полю,
Родны вітай ты мой кут!
Якуб Колас -
просто вспомнился стих -
© Copyright: Татьяна Головачёва, 2015
Свидетельство о публикации №215032002054
Свидетельство о публикации №215032002054
Рецензии
