Ваня андал Кэлдэраря по мтивам сказки Ершова на цы

Ка  Пхуро  сас  трин  щяве
Те   авен  лехкэ  бахтале!
Ек  вучо,  тай  Годявер,
Анде  лехко  васт  товер,
Сар  о  порогхо  гурялас,
Канна  андо  вэш  во  жялас.
   
Кавер   щяв  сас  Зурало,
Ай  ся  халас  мас  тхуло,               
Кхэрэ  кханчи  чи  кэрэлас,
Согхо  дес  пехкэ  совелас,               
 Аба   лехко   пэрогхо
Анклистя   по   накхогхо .
   
Трито  щяв  сас    май  цыгно
Андо  кырдо  гхомано.
Кон, пущява  телай  рят   
Май  мишто  кэрэл  э  Яг?                Шогха  кон  чи  май   бистрэл
Грасторэхкэ  див  те  дел?
                Трито  пхрал,  о  май  тэрно!
Хэзгэил  лес  о  Пхуро.
Ай  ле  пхрал  мерэн  холятар,
Калиля  ленго  ило.

Дуйто  пхрал  о  Зурало
Прасая   лес   «Динило»
 
«Доста,  Бре! На  ав  дило,
Мек  кэрэл   о   «Динило»                Ла  бутятятар  граст  мерэла -
Мек  дилен  Вой  аракхэла!»,-               
Ек  екхэса   ли  дуй  пхрал
Сокотинаспе   палал.               

Делас    ив,  тай  ви  перэлас,
Э  шудри  балвал  пхурделас,
Сас  брышинд,  аба  манай
Авилятар  о  милай.
Андо   кырдо  ка   Пхуро
Наис  Девлехкэ,  ся  мишто.

Амаро  Пхуро  щявенца
Анде  пхув   щютя  сэмэнца –
Сыкадя    лес    гажого,
Сар  те  барярэл   манго.
Акана   дикхэн,    гхывдин,               
Сар    барёл   ленго  « мандин».
      
Кхам  стрефял  андел  якха,                «Кай  ме  зор  те  аракхав,                Касаво  мангхо  те  кидав?»
Со  ме  лава  те  кэрав?               
Ай   мангхо  лащё,  баро!
Авла   кырдо  правардо!»,-
    
О  Пхуро  пхенел  щявенгэ,-
«Май  пхенаса  ле  гхоменге,               
Сытярас   лен,  те  камен,   
О  мангхо  те  барярэн».
Ай  асалас  о  Пхуро!
Ай   гилабелас  ило!
      
Пе  тагхара  гажёгхо
Авиля  ка  Пхурогхо, 
Ай  пхендя : « Ту  ся  асас,  Бре,
Ай  котце   чёрнас   тё  мангхо!»
Ай  по  кымпо   вон   нашэн,
Ле  чёрэн  те  астарэн.
       
Аба  авиле  кхэрэ,                Ле  якха  ленгэ  кингэ.
«  Жян  по  кымпо  те  совен,
Ай  чёрэн  те  астарэн!»,-
О  Пхуро  ленгэ  пххендя,   
Ай  трушул  пехкэ  кэрдя.
      
Канна  авиля э  рят,
Ля  пе  песте  кало  гад,
Те  на  дичёл  дедурал,
Май  амболдиля  палал,                Песа   ля    баро  товер,
Ай  гэля  о  Годявер.
                Андо  кымпо  рят  кали.      
Ажюкэрэлас   лес    ракли!
Лакэ  вушт  во  чумидя,
Андо  кхас  ла  ингэрдя!
Со  о  Дад  лехкэ  пхенелас,
Чогхогхо  забистэрдя!

 
Пале  авиля  э  рят,
Пале   сокотилпе  Дад,                Вущядя  во   анда  пато
Ле  щявес,  ле  Зуралес,
Ай  традя  о  Щяв  пе  гхата
Ле  чёрэн   те  астарэс.
         
Дя   по  кымпо   Зурало,
Арэсля   о  мас  тхуло,
Андай   кожница,  гхытия-
Воя    лехкэ,  букурия!
Сар  о  Рай,  халя,  пиля,
Ай  пе  гхата   ви   сутя.
   
О  Пхуро  бешел  ровел,
Чи  жянел,  со  те  кэрэл.
«На  ров,  Дад,  адес  ме  жява,
Согхо   рят  ме  чи  совава,
Ажютил   о   Дел!     Адес
Астарав    ме   ле  чёрэс!»,- 
      
О   май  тэрно  о  щяв  пхендя,                Ай  ля   по  кымпо,  тай  гэля.
               
               
Э   рят  кали!    Стрефял  о  щён!                О « штромфо»  чергэня  кхэленас!
О  щав  гилабелас  гиля,
Ай  леса  ви  ле   чирикля
Гилабенас,  ай  чи  совенас,
Ай  лестар   линдра  ингэрэнас.
 
Допаш   рят   аба  нашля,               

Те  совел  о  щён  гэля,               
«Со  ме  лава  те  кэрав!               

Те  совав  ви  ме  камав»,-               
 Ай  щутя  тела  шэро ,                Сар  шэранд,  о  бах  баро.
                Ашунел,   локхи   балвал               

Анда  вэш   по  кымпо   жял,               

Варикон  опрал   гхурял,               

Ай  о  кымпо   ся  стрефял,               
«Рят  кали?  Вай  дес  баро?               

Нащи  лав   андо  шэро!»               

Погхадя  якха  май  бут  во ,                Ай  кэрдяпе,  ворта  муто!               
Парни  Грасни   пеляс   опрал,               

Ай,  астардя   мангхо  те  хал!                Ле  якха,  Сар  дуй  дракха!

Пел   прашаве  барён   пхакха –

Шай  гхурял,  шай  ви  кхэлел,

Пэталенца   пхув   марэл!

О  пэталы   рупуне,
Палатуне  сумнакуне
Лаки  чунгха - кали  рят,
Ай  чергэн  андо  чикат,
Ай  палал  бари  пори,
Сумнакаса   обмарди.
    
«Те  дел  буле  ла  мугхо  Дад!
Чи  сутем  ме  согхо  рят,
Акана  лас  те  жянас,                Кон  чёрэл  аменде  кхас,   
Амаро   мангхо   чёрэл?
Те   марэл  ла  Свынто  Дел!»
   
Май  паше  во  пашуля,
Ай,   пе  лате    сар   хукля,
Амболдяпе  пе « Рани»,
Ай,   хутилдя   лаки  пори!
-« Акана,  шай  те  нашес,
Саек  ман  чи  перавес!»
      
Сар  балвал,  Грасни  нашелас,
Пэталэнца   пхув   марэлас,
Ле  пхака  сар  путэрдя,
Ай,  по  чери  ингэрдя!
Фери  о  Щав   мишто  инкэрлас
Палай   пори   Грасня -  «Раня».
   
Соде  шай  те  пхиравел,

Мугхо  Папо  чи  жянел!

Кхиниля,  манай  ла  зор,

Атярде,  кэ  ка    агор

Пащуля    вой!    Ащядяпе, 

Ай  пе  пхув  теле  мукляпе.
    
Пале  погхадя  якха

Амаро  о  «Динило»:

-«Нащи  ме    лав  андо  шеро,               

Ви  те  дилявос  шай, чачес,      

Кэ   дел  дума  э  Грасни

Манца,  ворта  гхоманес!»
            
         Грасни :
« Дошали  ме  сым,  жянав,
Анда  кодо  тукэ  пхенав,               

Май  бут,  шогха   чи  авава
О  манго  тиро  те  хав.

Тут    мангав,  сар   щеёри,
Мук  теле   мугхы   пори!

Ай,   пхенав  тукэ :  « Наис»!
Мишто  леса   те  траис!

Ме  дуе  грастен  анава,
Касавен  шукар,  сар  ме!

Бикинеса  по  базари –
Шай  кэрэс  барэ  лове!

Ай,  инке   ме  тукэ  традав
Мугхэ  май  тэрне  щявес,
Лес  нащи  те  бикинес!
Най  шукар  во,  циногхо,
Эк  цигхуца  бангогхо,
А  ило  сумнакуно!

Ме  жянав,  кэ  во  авела
Тукэ,  сар    о  пхралогхо!
Со  трубулту,  те   мангэс,
Во  кэрэла,  сар  камес!»
         Динило:
«Те  патяв  лакэ?  Ровел!..
Парамича  вой  пхенел!
Нэ,  шукар  э  парамичи!
Чи  пхенав  ме  лакэ  «Ничи»,
Пе  холи  пхраленгэ  лав,
Ай  грасня  ме  отмукав! 
Саек,  ме  жянав  кодо,
Акхарэн  ма – «Динило». 
      
Э  Грасни  аба  гхуряйля,
Ай  о  щяв  аба  диляйля!
-«Ащилем   ме  ек  жино,
Чачес  сым   ме  «Динило!»,-
Астардя  во  те  ровел.
Фери,  сой  кодо?  Дикхэл!..
   
Ай,  пеля  пе  лесте  дар!..
Най  пе  лумя  май  шукар,
Ворта  лесте,  граст  траденас,
Пэталэнца  пхув  марэнас  –
Э  пори  сумнакуни,
Ворта  Сар,  кай  э  Грасни!

 Пала  ленде  грастогхо
Циного,  тай  бангогхо,
Ле  якха  лехкэ  асан:-
« Шун –ка,  пхрала!  Дета  кан,
Сар  амари   Дей  пхендя, 
Те  кэрэс   тубул   кадя!»,-
   
Ай  асалас  ай  кхэлелас,
Гхомаи  э  щиб  жянелас!
-« Пхрала,  те  на  жяс ту  кхэрэ,
 Хана  тут   ле  пхрал  тирэ!                По  базари  жяс  аме,
Шай   анклел   аменгэ,  Бре?
   
Дидиняцы  по  базари
Ся  Эл  Гхом  кидинисайле,
Кон  гилабел,  кон  кхелел,
Гхомнёгха  ся  драбарэн,
Амаро  о  Динило
Грасторэнца  тэрдило.
   
Щинадя  о  Дел  кадя,
Вай  Грасни  патив  кэрдя,
Сар  камену  атярен,                Ле  якха  на  погхавен,
Авиля  о  Эмпэрато,
Те  кинел  пехкэ  грастен!   
   
      
Ай  дикхля  пек   Грастогхо -
Замардяпе  о  ило!
Ви  о  кавер  Граст  стрефял –
О  ило   лехко  билал! 
«Ле  грастен,  кон  бикинел?»,-
Эмпэраторо   пущел.
   
Жико   пхув   Щяв   бандиля 
Э  стадии  шэрэстар  ля
             Днилло :                «Грастогхэ  мугхэ,  тертис!»
         
               Эмпэрато :                «Акэ  тукэ  дуй  стадя
Ле  галбенца,  ле  барэнца!
Мишто  леса  те  траис!»
   
Цыногхо  о  грасторо
Пашуля  ка  Динило:
« Анклистя  аменгэ,  пхрала!
Дав   буле   мугхо  шеро!
Со  тегхара  май  авел,
Фери  Свынто  Дел  жянел!»
       
               Часть 2.   
      
«Ашунен, шунен,  Гхомале!
Ампаратиса,  э  тэрни.
Свако  дес  кана  ровел!
 Эмпэрато  чи  жянел,
Со  ла  щяса  те  кэрэл,
Ай  коркогхо  бешел  ровел!
   
Сас  кай   Щей  ек   дикхлогхо –
Сумнакаса  ся  кхувдо,
Дя  лес  лакэ  Дей  пхури-
Ампэратиса,  тял  эрти.
Дикхлогхо   ла  Щяко   «Даго»,
Зуралес  сас  лакэ  драго!
   
Арати  э  Чирикли,
Кай  гилабелас  гили,
Хутилдя  о  дикхлогхо,
Сар  локхо  о  порогхо,
Ай  гхуряйли!..  Ай  тходяпе
По  трушул  ла  кхангеряки. 
   
«Кон,  Гхомале,  те  камела
О дикхло  те  арэсэл -
Жямутро  мугхо  авела!»,-
Эмпэрато  ворба  дел.
Кидинепе  ся  Эл  Гхом
Кэтане  по  Баро  Дром.
   
Авиле  ле  Молдовая,
Ле  Плащуны,  ле  Мачвая,
Ле  Ловаря,  Кэлдэраря,
Кишинёвцы – гэрмэсаря,
Крымы,  Сэрвы -  ся  камен
Пехки  Бахт  те  зумавен!
   
Циногхо  о  грасторо
Пашуля  ка   Динило:
«Бешь  пе  манде, 
Ай  инкэр  зуралес  мугхы  пори!
Аканаш  гхурявас  туса,
Ворта  жикай  кхангэри.
   
Сар  пхендя  о Циногхо,
Арэсле  вон  дикхлогхо!
Авиле  ка  Эмпэрато:
-«Акэ  тукэ  жямутро!»
Эмпэрато  асая,
Ай  баро  абяв  кэрдя!
   
«Акэ тукэ – «Динило»!,-
Май  пхендя  о  Зурало.
Годявер  пхендя: « Часчес!
Родас,   пестар  май  дилес,
Ай  камлям   те  хас « пе  гата»,
Акэ,     ащилям    ригате!»
   
 Ленго  дад - Пхуро: « Пхенав!               

Сар  туменгэ  най  лажяв?               

Акхарэнас  «Динило»  лес,               

Пала  состе?  Чи  жянав!   

Акана  бущёл  во  Ваня!
« Ваня – андал  Кэлдэраря!»
           Пхуро:      
Мек  дел  о  Дел  мугхэ  щавенгэ
Бахт  барии!  Ай  паша  ленде
Ви  Аме      траисарас!
Кэтане   те  хас,  те  пяс!
Ви  Т умен  мангав,  Гхомале,
Те  траин  по  экшэл  бэрш!
Яг  Барии  те  на  хасявел!                Те  асал  туменгэ  Вэш!                Те  нашел  о  Калимос!
Те  на  жянен  о  Маримос!
Амарэ   Девлес   мангава               
Бахт  Туменгэ,  Састимос!