Кэлдэраря на цыганском языке

       
Андо  вэш  баро  по  пай,
Кай  тэрдо  о  баро  плай
Пехкэ  цэри  анзарде
Ле  Рома  ле  бахтале,
Андай  Индия,  патяс  ту,
Кадала  ле  Гхом  нашле.
      
Пэтру- май   пхуро  о  Гхом
Акхардя   ле  андо  дром,
Акана  бущёл   «Пэтрэщи»
Лехко  кырдо,   мук   барёл!
   
Лехкэ  пхрал   Мигай,  тай  Ёно
Ле    пхралеса  авиле - 
«Мигаещи»,  тай « Ёнещи»
Аба   бут   май   бариле!
   
Эл  гаже  пхенен  гаженгэ:
«Ся  ле нямуря  эл  Гхом!»
Ай  о  кырдо  ле  Роменго
Ся  барявол,    ся   пхутёл!
   
Авиле  кал  Гхом   Мачвая,
Ле  Чёкэщи  авиле,
Чи  жянен   вон  пехкэ  Баё
Андо  кырдо  кэтане.
      
Ле  Гохмня  аба вущен               
 Дидимняцы,  андо  Гав!   
Ле  гажян  те  драбарэн,
Те  авел  ле,  со  те  хан.   
      
Ай  ле  мурш,  соде  жанас  ле,
Жипун   сы  лен   зор,  кайти,
Зуралес  мишто  кэрэнас
Гханомаскири  бути!
    
Ле  гаже   пхенен;  «Котляры»!               
 Их  котлы  огнём  блестят !»               
Кадя  ви  ащилям   -  «Котляря»!
Те  дел  о  Дел  аменгэ  бахт!
    
Май   акхарен  ма  – «Кэлдэрари»,
Ви  кодо  шай  те  жянас –
Ка  амаро   Пхуро  Петрешти
Сас  э   урма -  Кльдорас.
   
Андел  ся  тхэма  Котляря
Бахталес  адес  траин,
Гилабан  ле  Кэлдэраря
Ле    гиля  ленгэ – авдин!
    
Акана  ме  со,  гхомале,
Камав  туменгэ  те  пхенав,,
Ме  пхендем  пал  Кэлдэраря,
Ай  ви  кавер  Вицы  ме  жянав!
               
Ви  Полячя, ви  Ловаря
Сэрвы,  Испаницка  Ром               
Сы  аменде  ек  о  траё,
Сы  аменде  ек  о  дром!               
 Те  авас  савогхэ  умпачи,
Кэ  савогхэ  аме  сам  Гхом!