Пушкин, дур къисматалъ толаро х1алхьи,
Х1алихьалъи буго беразда цебе.
Бенкендорфал руго асарал ц1алк1ун,
Ц1ияб адабият данде гьабулел.
Дур г1акълудал къуват къвариг1ун буго,
Къабих1аб х1алезде х1акъаб абизе.
Х1инкъи гьеч1еб г1умру г1асру ц1алк1ине,
Ц1идасан гьанжеги х1ажалъун бугин.
Балагье, Дантесил танчил х1араялъ,
Рек1еда реч1ч1изе ишан босулеб.
Ях1-намус биларав бидуласул квер,
Кинандай борхулеб пагьму ч1вазелъун ?
Ч1вана чанго щаг1ир, г1илла гьеч1ого,
Рит1ухъал мухъазулъ макруял ц1ехон.
Россия , дур къадру мунафикъаца,
Къинабизе гьеч1ин щаг1ир к1алъана.
Нус-нус сонал ина Пушкин гьеч1ого,
Гьесул лъак1 кидаго хвел гьеч1еб буго.
Гьунарги-къиматги наслаби хисун,
Хут1ила дур даим дунялалда т1ад.
1988 сон
Пушкиниде
© Copyright: Муртаза Игали, 2015
Свидетельство о публикации №215102401526
Свидетельство о публикации №215102401526
Рецензии