Пудни пудкъанни кьвед...
- Ваз « пудни пудкъанни кьвед » вуч затI ятIа чидани?
- ГьакIан рекъемар я ман, - жаваб гана за.
- Ам гьич ман, - ягьанатдин хъверна зи дустуни, - рекъемар яз я гьа. Амма гьихьтин?. . . Зун Успат тахьуй, эгер за ваз и кар успат та-вуртIа.
- Зун ви гъавурда акьазвач ман? - тажубвилелди лагьана за.
- АкI ятIа вуна заз лагь : са « лацудан » къимет куьн я ?
- А. . . а. . . а, - гила гъавурда гьатна, - гьарайна за.
И арада инал, кукIвадин кIаникай эверайди хьиз, Къудратни ата-на акъатна. Чна пудани са архайин патахъ фена « пудни пудкъанни кьвед» лугьуз са шумуд «лацу шуьшеяр» бушарна. Гьа идалай кьулухъ чун, балкIанрихъ галай ругунар хьиз, мад сад садахъай галат хъуву-нач. Югъ амай кьван чи сиве авай гаф «пудни пудкъанни кьвед» тир. И гафари иллаки чи хуьруьн туьквенчидиз гзаф лезет гудай. Чна пуд дустуни адаз товарооборотдин планар ацIуриз куьмек гузвай. Амма чун са кардал мягьтел хьанай. Туьквенчидиз гайи гьуьрметдин грамо-тада вучиз ятIани чи тIварар авачир. Ада чаз кIан хьайивалди шуь-шеяр аламазни гудай, эхирдай вичин жан-дафтарда гьар са «лацудан» къимет 4 -5 манат авунни рикIелай ракъурдачир. Гьа икI, гьар юкъуз чи кац ракъиник жедай. Нянихъ лагьайтIа, жедайди са къиямат тир. Чун кIвалериз кефи саз яз хтайла чи вилик папар экъечIдай :
- Агь, чIулава ягъайди, вал алай суфат вуча? - лугьудай Успатан папа.
- Хквезва чи кефчибег! - пад акъатдай чIередаллай Къудратан па- пай.
- А аялдиз хтай 10 манатни жуван челегдай авадарначиртIа жеда-чирни вавай? – туьгьметардай зи папани. Къаргъишрин кьил – тум же-дачир. Гена шукур хьуй худадиз дишегьлидиз гъилел алчуддай кьве киф гайиди. Пуд кIвалени са тарап – туруп гьатдай. Жемятдиз пулсуз гузвай концертар аквадай.
Гьайиф хьи, «гатфарар» яргъалди фенач. Са нин ятIани кIуф яна лугьуз Къудрат суддин залдиз мугьман хьана. « Мад завай эхи хъи- жезмач, я эллер!» - лагьана Успатан пабни адавай чара хьана. Заз ла-
- 2 -
гьайтIа, гьеле затI хьанвачир. Гардан, тумунин жунгавдин гардан хьиз хьанвай за ара – бир жуван къуватар алцумдай. И кар себеб яз зи паб са вацра месе гьатна. Дерт къати хьайила за а виликдай хъвадай си- нерин истиканар банкайралди эвезна. Нетижа хъсанди хьанач : зи па-пани вичин мес – хъуьч кIватI хъувуна. Ахпа зун гъилевай къуллугъди- вайни хьана.
- Къайгъу туш, - лугьудай Успата,- чна кьведани къунши хуьряй цIи-йи папар хкида, - на заз лагь : «пудни пудкъанни кьведакай» гьикI я?
. . . Са нянихъ чун деминик фенай. ТIуьнар – хъунар кIамай кьван. Ах-па. . . ягъунарни. . . Деминикай чун кIвализ са 15 югъ алатайла ахкъат-на. 15 сутка чIугвадайла, фадлай кIвалах такунвай зи гъилерал бе- гьем къабар хьана.
- Им яни ви «пудни пудкъанни кьведан» аламат? – жузуна, перт хьанвай за зи патав пашмандиз, къах хьиз, акъвазнавай Успатавай чун азад хъувурла.
- Анагар авач, беябур хьана, - жаваб гана ада, - гила халкьдин чи-низ гьикI килиг хъийида?
- Гарданни кIир хьиз хьанва, - лагьана за.
Успат са геренда са гьихьтин ятIани хиялри тухвана. Ахпа ада захъ элкъвена лагьана:
- Дуст кас, - зегьримар хьуй а «пудни пудкъанни кьвед». Чна хъфе-на папариз са аман – минет хъийин. Белки чи тахсиррилай гъил къа-чуртIа. Ам гьахъ тир. Успата заз и кар успат авуна.
1974 – йис, 19 – ноябрь.
Свидетельство о публикации №216011200862