Эхиримжи хабарар

          Райондин   радиоузелда   цIийи   дикторди   кIвалахиз  баш-ламишзавай.   Радиодин   редакторди   ам   гъавурда   твазва: «Ин-гье   радиояр  кутаз   хкудзавай   включатель. Чапла   патахъ  авурла, передача   акатда;  эрчIи   патахъ   тухвайла – хкатда.   Эгер   вахъ  уьгьуь  агалтайтIа,  ял  ягъиз   ва  я  тахьайтIа  яд   хъваз   кIан   хьа- йитIа,  эрчIи  патахъ   яла,   ахпа   мад  чапла   патахъ   яла».  Редак-тор,   включательдив   «тIимпI – тIампI»   ийиз   туна,   хъфена.
          Редактор  хъфейла,   жегьил   дишегьлиди   вич   азаддиз  гьис-сна,  амма  столдал  алкIурнавай  микрофондин  вилик  вучиз  ятIа- ни   ам   вич   вичивай   квахьзавай.   Передачадин   вахт   хьана.  ЦIийи   дикторди,   кьетIидаказ   чапла   патахъ   «тIимпI»   авуна, башламишна: «Гьуьрметлу   радиодиз   яб   гузвайбур!   Эхиримжи  хабарар   гузва   чна».
          Сифте   сеферда   радиодай   рахазвайвиляй   гъалаба   акатай  адан   сес   зурзана.   Туьд   цIай   тунвай   пич   хьиз   акъугънавай.  Дикторди   тадиз   эрчIи   патахъ  «тIампI»   авуна,  са   истикIан  яд  хъвана.   Ва   мад   передача   давам   хъувуна.   Амма   гьикI!?  Радиояр   кутун   рикIелай   алатна,   чапла   патахъ  «тIимпI»   хъу-вунач.   Радиодихъ   яб   акалзавайбурун   вил   хьана,  гьа  гила   мад  рахада   лугьуз.   Ам   дугъриданни   рахунни  хъувуна.   Анжах   анай  гузвай   «эхиримжи   хабарар»   адетдинбур  тушир:
         «... уьгьуь.. гьуь. . . и  кIамаш  хабарар  кIелиз  хьайитIа, заз ракьун   туьд  кIанда   хьи. . уьгуь. . .гьуь. . . 1500 литр  нек  ацанвал-да. . . яраб   яб   гузвайбуруз   чизвач   жал,  адакай   500 литр  яд  тирди…»
          Радио  мад  са   вад  минутда   лал   хьана.  Ахпа   лап   хъиткьи- найди   хьиз   рахана:
          «Агь,   куьнни   кьий   гьа   куьне   ракъурзавай   хабарарни! По-чтальондилайни   тарифдай   мухбирдин   вил   кьве   кепекда   ава  гьа!   Зал   Дербентдай   ягъай   тел   муьжуьд   йикъалай   агакьнава, амма   и   тахьай   фанади   «почтальондиз   чухсагъул»   лугьузва. Вагь   куьн   кьведни   яра – гирмиш  хьуй!»
          Радио   мад   лал   хьана. Яб   гузвайбурун   кьил  ихьтин   пере-дачадай  сакIани   акъатзавачир.   ЦIийи   дикторди   лагьайтIа,  ра-

                - 2 -
диояр   хкудайла – кIелиз   хьана,   кутун   хъувурла – яд   хъваз,  ви-чи   кIелай   хабарриз   баянар   гуз.   Ингье,   мад  радиоди   ван  авуна:
          «…тфу,   иеси   кьей   харапIада   авай   ядни …  хьтинди   я… Им   аку   садра   «советдин   сессиядал   важиблу   месэлаяр   гьялна»   лугьузвайди.   Алчах   ялтах!  Вичиз   я   шифердиз   чара   ийиз-вайди  я,  я – тахтайриз. Месэлаяр   «гьялиз»   вири  викIегь  я, амма рехъ   туькIуьрдайла, чIур   хьайи   куьчейра   эквер   твадайла,  хуь-руьз   чпин   кьилихъай   цадай  яд  хкидайла – вири   рекьида…  Гьан,  ингье   мад  са  кепеюгъли.   Туьквенчиди   хуш   рафтарвилер  ийизвалда.  Агь,  кицIин   хва,  вун   зи   гъиле  гьатин,  кIусун  дуст. За  ви   ратар  кьурурдай  хьи!   Чи   жибинра  авай   пул   вичин   жи-биндиз   къвезвай   туьквенчи   хъуьруьн   тавуна,   зун   хъуьреда  жал,  и  тапарар   кIелиз   жув  дели  ийизвай.  Эгер   вун   бегьем итим  ятIа,  кхьихь   ман   накь   туьквендай   чинеба   са   пачка  дуьдгъвер  ни   тухванатIа (заз  са  кило  гьатнач!),  шешел  пасукI  низ  ганатIа,  са   ишикI   запунар   гел   галачиз   гьикI   цIранатIа… Я   аллагь,  кIвалахал   экъечIай   са  юкъуз  и  тегьерда   таб  авурла, за  пака   вуч   ийида?   Гьавайрин   сводкани   тапанди   хьана  гьа.  Къецел   марф  къвазва,  ибуру – рагъ  жеда,  лугьузва.  Жеди  белки,  амма  мус?... Буьркьуь   жедалди   хъивегьна,   дакIардай  кьванни   килигиз   хьанач  жал?... Ваъ,  им   зи   кIвалах  туш,   пака  квахьда   инай».
          Радиодихъ  яб   акалзавайбуру  са  сивяй   «вун   квахьмир,  чан  руш,  а  ваз   гьа   хабарар   гузвайбур   квахьуй»   лагьана,  гьарайна.  Амма  цIийи  диктордиз   абурун   ван  хьанач.  И  арада  редакция-диз   кIвализ   хъфей   редактор  хтана   акъатна.  Каш – кашув  агакь   тийиз,   кьве   гъилини  вичин   кьил – мет   гатаз,  ам   диктордал  тепилмиш  хьана: «Вуна   зи   кIвал   чIурна   хьи,  за  ваз   хабарар  кIел  тийидайла   эрчIи   патахъ   «тIимпI»  ая  лагьаначирни?»
          - Чпин   тапан   сводкаярни   кIелайни,   гьараюнарни   заз  ийизва  гьа!   Зун   я   чапла   патахъни   физвайди  туш,  я   эрчIи  па-тахъни.  Зун,  юкь   кьуна,  дуьз   рекьяй   физвайди   я, - са  юкъуз  диктор   хьайи   дишегьли,  тажуб   хьанвай   редактор   туна,  така-бурлу   яз   редакциядай   экъечIна.