Зарафат

  Зарафат

Пиян   яз   машиндаваз   кIвализ    хкизвай   Магьсуб   ахварал   фенвай.   Машин   хулалай   элячIдайла   ахварикай   кватай   ада,   ви-чин   хуьр-кIвал   чир   тахьана,   гадайривай   хабар   кьазва:  «Им   гьи   хуьр   я,  гадаяр?»   Гадайрини    са   зарафат   хьуй   лагьана,  «Им   Аран   я»   жаваб   гуда.   «АкI   ятIа, - лагьана   Магьсуба, - ина   зи   чирхчир   Машмашбег   авайди    я,  такуна   20йис  я.   Жечни   зун  адан   кIвализ   тухвайтIа?»    «Жеда,   чун  гьадан   кIвалин   патавай   физвайди   я,  жув   Машмашбеган    патав   алад,   хуьруьз   хъфидайла   чна   вун   хутахда».
Лутуйри   Магьсуб   вичин   кIвалин   патав   авудна,  «ингье  Маш-машбеган   кIвалер»   лагьана,   чеб   са   кIвалин   пипIехъ   фена,  гьанай   вуч   жедатIа   гуьзетиз   акъвазна.   Вич  лугьумир   кьван,  и   юкъуз   Магьсубан   папани,   гьикьван   гъуьлуьхъ   галаз   чуьруьк   жеда   лагьана,  са    зарафат   авун   кьетIнавай.   Гъуьлуьнни   папан   арада   хьайи   и   ажайиб   сегьне   лутуйриз   акун   тир   кьван   кIан-завайди.
И   пад   а   пад   ягъиз   фейи    Магьсуба   вичин   гьаятдик    квай   вар    гъуту   гатазва. . .
Гъуьл.   Я   Машмашбег!    Я    Машмашбе….еег!  Эй   Мачмач…. Машмаш…бег!   
И   ванцелди   адан   паб   экъечIда   ва    адетдин   къайдада   хтанвай   вичин   гъуьлуьвай   хабар    кьада:
Паб.      Хтанани,   алкаш?
Гъуьл.   Я  чан   вах,  вуна   сеперар   вучиз  гузва?   За  ваз    лагьай   са   гафни   авач   хьи?!
Паб.    ( Са   патаз:  чан    къачуй  ви   азраилди!)   Вавай    рахаз   тежез-вайди   вуна   вуч   лугьуда   кьван?
Гъуьл.   За…. лугьуда…е.   Я   чан   вах,   и   кIвалер   Машмашбеган   кIвалер   яни?
Паб.      (Чандиз   са  мерез   аватуй   ви!)  Вуч   Машмашбеган?!
Гъуьл.    Арандавай   Машмашбеган,  зи   хванахвадин!
Паб.  Арандавай   Машмашбеган?   АкI  хьайила,   вун   адан   хванахва   я   ман!
Гъуьл.   Эхь,   зун   дагъдин   хуьряй   атанвай   адан   хванахва  я.
Паб.      Чаз   суьрнетдай   аялар   авач   эхир!

                - 2 -   
Гъуьл.  Ахьтин   хванахва   ваъ,   я   чан    вах…
Паб.     (Чан   кьуй   ви   азраилди)
Гъуьл.  ….Зун   Машмашбеган    дуст   я,  дуст.
Паб.      Гьа…ан,    гъавурда   гьатна,  и   кIвалер   Арандавай   Маш-машбеган   кIвалер   я.   Ваз   вуч     кIанзава?   (Машмаш    хьиз   чруй    вун!)
Гъуьл.   Вун   адан   паб   яни?
Паб.    Ваз  аквазвачни    паб   тирди?   Гъуьл  ихьтинди   жедани?
Гъуьл.   АкI   ваъ,  я   вах…
Паб.     (Ваха   чIар    чхуй   вахъ!)
Гъуьл.  ….заз    вун   паб   тирди   аквазва…е.   Эгер   вун   зи  дуст   Машмашбеган   паб   ятIа,   жечни   вавай    зи   дуст   Машмашбегаз   эверайтIа?   Гьа…а…а?
Паб.  Ваъ,   жедач.
Гъуьл.   Вучиз   жедач….е?   Зун   вини   дагъдай   атанвайди  я.   Машиндаваз.   Мад  гадаярни    галайди   тир.   Абур… абур   исятда   хкведа…
Паб.   (Гардандин   кIарарай    акъатуй    вун).   За   ваз  «ваъ»   лагьа-най,   алкаш.
Гъуьл.   Зун   алкаш   туш,   я  вах,   къе   са   тIимил   хъун   хьана  ман…
Паб.   (Ваха    чIар   чухуй   ви!)   Гьа   им   тIимил  хъун    я   ман?  Сун  еб  хьиз   гарал    къугъваз!   Бес    вавай    вучиз    санал   акъвазиз   жезвач?  Перпилагда   авайди   хьиз   инихъ-анихъ    галтад   жезва    хьи?   ТахьайтIа   ваз   тади   гузвай   кар   ава   жеди?!
Гъуьл.  Ваъ,  ваъ,  заз   тади   гузвай   кар   авач,  и   зун   алай   чил   дуьзди   туш,   гагь  къванер,   гагь    къунбукар    акатзава    кIвачерик.  Де   эвера   кван,   я  вах,   а   ви   гъуьлуьз.
Паб. (Гъуьргъуь    хьуй   вун,  я   Аллагь!)   За   ваз   эвердач   лагьанай.
Гъуьл.  Ву…вучиз,   я   вах,   икьван   пис   жедани?
Паб.   (Пис    ни   атана,   ваха   йикь  авуй   вахъ)   Вучиз   лагьайтIа,  ам   авач.
Гъуьл.   Бес   ам    гьинава?
Паб.    Сура!
Гъуьл.   Гьина?!
Паб.    Япар   чуьхуьх   жуван.   Су-ра!
Гъуьл.   Ву…вучиз?


Паб.      Я   кьей   кIамаш,  бес   кьейиди   сура   тахьана    гьина   жеда?
Гъуьл.   Ам   кьена..а..а?
Паб.     Ваъ,   чна   ам   чан   аламаз   сура   туна…
Гъуьл.   Йоъ,  кьена    ман    кесиб.   Ам    вучиз    кьена?
Паб.       Вучиз   рекьидайди    я   кьван,    вичин   ажал   агакьна!   Ви   ажал   агакьайла   вун   рекьидачни   тахьайтIа?!
Гъуьл.  (Вун   хьтин   паб   гьалтайди   текьена   амукьдани   бес!)  Багъишламиша,   чан   вах…
Паб… (чан   тIуьй   ви    буьтIруькри)
Гъуьл….заз   чизвачир.   20 йис   я  зун   Арандиз   татана.   Вун   сагъ   хьуй!
Паб.   Сагъ   тахьана,   заз   вуч   хьанва?
Гъуьл.  АкI   ваъ…е,  за   вун    сагъ   хьуй   лугьузва..е.
Паб.   Я  кьуру   келле,   зун    сагъзава  лагьанай    за  садра.   Аква-звачни   буьркьуь    хьанвай   вилериз?
Гъуьл.  ( Валлагь,   ванни  зи   папан    ванциз   ухшар  я,   экъуьгъунар-ни!)
Паб.   Вуна   чумурра   авай   севре    хьиз   вуч   мурмурар   ийизва,    кIевиз   лагь   лугьудай   гаф.
Гъуьл.   Заз   ви   ван   зи   папан   ван   хьиз    хьанай..е..
Паб.    Килиг   гьа..!   Сифте   ван   ви   папан   ван    хьиз    жеда,  ахпа  зал  алай    перем   ви   папанди    хьиз   жеда,   ахпани   зунни   ваз    ви  паб  хьиз   жедани?..
Гъуьл.  Ваъ.  Я  чан    вах,  ваъ,   я   чан  вах!...
Паб.  (Ваха   чил   чухуй    ви!)
Гъуьл.   Вун  гьинай,   зи   паб   гьинай….
Паб.    Вуч?....  Зун    ви   папалай   усал   яни?
Гъуьл.   Астафируллагь!   Ваъ,   я   халуд   руш,   зи   паб  ваз  акуртIа,  са   алчах,  кфир    кицI   я   хьи…
Паб.   (КицIери   тIуьр    женде..ек!)
Гъуьл.  ..  вун    лагьайт1а,   буйдизни   кьакьан   я,  яцIувилизни…  ваъ..е,   шумал   хьиз   шуькIуьни   я,   чини   маралдин   хьиз  гуьрчег  я…
Паб.  Бес   ви   паб    гьихьтинди  я?
Гъуьл.   Пагь,  мад   адакай   рахамир.   Гатун   цикIиз   хъуьтIуьн




 саврух    я  ман.   Ваз  ам   сивяй   каф   чкIиз,  путулкадин   пробкаяр   хьтин   вилер   экъисна,  шалмандиз    акьахдайла   монтердив    жедай   къармахар   хьтин   гъилер   гьар   патахъ   юзуриз,   бугь   ядай   дили   гамиш   хьиз    зал   тепилмиш   жедайла    акуртIа,   ву   низ   чида   гьиниз   катдайтIа!..
Паб.   (За   къармахар   чирда   ваз,   за   пробкаяр   хьиз     вун   цавуз   акъудда!)   Бес    вучиз   катзавач?
Гъуьл.    Зун…зун..  гьиниз    катда?!
Паб.   Бес   ахьтин   папахъ   галаз    вун   гьикI   яшамиш    жезва?
Гъуьл.   ГьикI   яшамиш… яшамиш…   гьан,    зун    адахъ    галаз   яша-миш   хьанай   ман.
Паб.   ГьикI   яшамиш  хьанай,  ам   вуч   лагьай   гаф   я?   Бес   гила    куьн   санал   аламачни?
Гъуьл.  Ваъ!
Паб.    ГьикI,   куьн   чара    хьанани?
Гъуьл.   ГьакI!   Зи   паб   кьена!
Паб.    (За   рекьида    хьи   вун   фалужди   ягъай   цицIиб  хьтинди!)  Вуч?    Мус   кьена    ви   паб?
Гъуьл.  Пуд    йис   я  паб  кьена.
Паб.     АкI  ятIа,   вунни   хендеда   я   ман. 
Гъуьл.    Эхь.   Мад   вучда,   инсанрин   кьисметар  я  ман. 
Паб.      Гила   вун   текдиз   авани?
Гъуьл.  Бес   вучда,  са   вун   хьтин    марал    жагъанайтIа,  мехъерни..
Паб.   Эгер    за    разивал    гайитIа….
Гъуьл.   Исятда    мехъер   ийида.
Паб.    Гьа   исятда?
Гъуьл.   Моментда.
Паб.     Са   моментда   вун   инал   акъваз   кван.   Исятда    чна   мехъерар   ийида.   Далдам-зуьрнени   алаз.  (Паб,   гьаятдиз   хъфена,  са   еке   вагьрамни   гваз   экъечIда)   Ма   ваз  мехъер…. ма  ваз   къармахар…..  ма    ваз    ашнаяр.